କଟକ: ସିଲଭରସିଟିରେ ଜାରି ରହିଛି ଜବରଦଖଲ ଉଚ୍ଛେଦ ପ୍ରକ୍ରିୟା । ସିଏମସି ପକ୍ଷରୁ ଏହି ଅଭିଯାନକୁ କରାଯାଇଛି ଜୋରଦାର । ଆଜି ପିଠାପୁର ଅଞ୍ଚଳରେ ଥିବା ଏକ ପୁଷ୍କରିଣୀ ନିକଟରେ ହୋଇଛି ଉଚ୍ଛେଦ । ପୁଷ୍କରିଣୀକୁ ଲାଗି ରହିଥିବା ପ୍ରାଚୀର ଭାଙ୍ଗି ଯାଇଥିଲା ବେଳେ ଏହାର ସୁଯୋଗରେ କିଛି ବ୍ୟବସାୟୀ ସେଠାରେ ଦୋକାନ କରିବା ଆରମ୍ଭ କରିଥିଲେ ।
ସିଏମସି ପକ୍ଷରୁ ପିଠାପୁରରେ ଉଚ୍ଛେଦ ପ୍ରକ୍ରିୟା ଜାରି
ତେଣୁ ସେହି ପାଚେରୀ ପୁନଃ ନିର୍ମଣ କରିବା ପାଇଁ ହୋଇ ସାରିଛି ଟେଣ୍ଡର ପ୍ରକ୍ରିୟା । ଆଉ ସେଥିପାଇଁ ଆଜି ବିଭିନ୍ନ କେଭିନକୁ ଉଚ୍ଛେଦ କରାଯାଇଛି । ଏହାଛଡା ମୁଖ୍ୟ ଡ୍ରେନ କିପରି ସଫା ରହିବ ତାହା ଉପରେ ମଧ୍ୟ ରହିଛି ନଜର । ସେଥିପାଇଁ ଉଚ୍ଛେଦ ପ୍ରକ୍ରିୟା ନିହାତି ଆବଶ୍ୟକତା ରହିଛି। ଏହାସହ ଆଜି(ଗୁରୁବାର) ବାଲିଯାତ୍ରା ପଡିଆ ନିକଟରେ ମଧ୍ୟ ଉଚ୍ଛେଦ ପ୍ରକ୍ରିୟା ଜାରି ରହିଛି ।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
