କଟକ: ଜିଲ୍ଲାର ଚୌଦ୍ବାର ଥାନା ପୋଲିସର ଏନକାଉଣ୍ଟରରେ ଆହତ ହୋଇଛି ଦୁର୍ଦ୍ଦାନ୍ତ ଅପରାଧୀ ମୁନା ଦେହୁରୀ । ତା’ର ବାମ ଗୋଡରେ ଗୁଳି ବାଜିଥିବାରୁ ତାକୁ ଚିକିତ୍ସା ପାଇଁ ଏସ୍ସିବିରେ ଭର୍ତ୍ତି କରାଯାଇଛି । ତେବେ ଏନକାଉଣ୍ଟରରେ ଆହତ ହୋଇଥିବା ମୁନା ଗୁରୁଝାଟିଆ ଲୁଟ ଘଟଣାରେ ସମ୍ପୃକ୍ତି ଥିବା ନେଇ ପ୍ରକାଶ କରିଛି ଚୌଦ୍ବାର ପୋଲିସ ।
ଆହତ ଦୁର୍ଦ୍ଦାନ୍ତ ଅପରାଧୀ ମୁନା ନାମରେ ବିଭିନ୍ନ ଥାନାରେ 10ରୁ ଅଧିକ ମାମଲା ଥିବା ଜଣାପଡିଛି । ଏହା ସହିତ ଗୁରୁଝାଟିଆ ଅଞ୍ଚଳରେ ହୋଇଥିବା ଲୁଟ ଘଟଣାରେ ତା’ର ସମ୍ପୃକ୍ତି ଥିବା ଜଣାପଡିବା ପରେ ତାକୁ ଗିରଫ କରିବାକୁ ଯାଇଥିବା ସମୟରେ ସେ ପ୍ରଥମେ ପୋଲିସ ଉପରକୁ ଗୁଳି ଚାଳନା କରିଥିଲା । ଯାହାର ପାଲଟା ଜବାବରେ ପୋଲିସ କରିଥିଲା ଏନାକାଉଣ୍ଟର। ତା’ ଠାରୁ ବନ୍ଧୁକ ଓ ଗୁଳି ଜବତ କରିଛି ପୋଲିସ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ବର୍ତ୍ତମାନ ଚିକିତ୍ସା ପାଇଁ ମୁନାକୁ ଏସସିବିରେ ଭର୍ତ୍ତି କରାଯାଇଥିବା ବେଳେ ରବିବାର ପୋଲିସ ଏନକାଉଣ୍ଟରରେ ଜିତୁ ଓରଫ ଅଜୟ ସାହୁ ଆହତ ହୋଇଥିଲା।
କଟକରୁ ନାରାୟଣ ସାହୁ, ଇଟିଭି ଭାରତ
