କଟକ: ଦୀର୍ଘ 6 ଦିନ ପରେ ଆଲୋକିତ ହେଲା ଛତ୍ରବଜାର । ସବୁଦିନ ପରି ସୁରୁଖୁରୁରେ ଚାଲିଲା ବେପାର । ଷ୍ଟ୍ରିଟ ଲାଇଟ ଜରିଆରେ ଆରମ୍ଭ ହେଲା ବ୍ୟବସାୟ । ଯାହାକୁ ନେଇ ଉଭୟ ବ୍ୟବସାୟୀ ଓ ଗ୍ରାହକ ମାନେ ବେଶ ଆନନ୍ଦିତ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ବାତ୍ୟା 'ଫନି'ର ତାଣ୍ଡବ ଦିନ ଠାରୁ ଆଜି ପର୍ଯ୍ୟନ୍ତ କଟକର ବେଶ ଜଣାଶୁଣା ପରିବା ବଜାର ଛତ୍ରବଜାର ଅନ୍ଧକାର ହୋଇପଡିଥିଲା । ଯାହାଫଳରେ କେବଳ ଦିନର ସୂର୍ଯ୍ୟାଲୋକରେ ହିଁ ବ୍ୟବସାୟ ସମ୍ଭବ ହୋଇପାରୁଥିଲା । କିନ୍ତୁ କିଛି ଦିନର ଅନ୍ତରାଳ ପରେ ଆଜି ପୁଣି ଆଲୋକିତ ହୋଇଛି ଛତ୍ର ବଜାର ।
ଯାହାକୁ ନେଇ ଉଭୟ ବ୍ୟବସାୟୀ ଓ ଗ୍ରାହକ ବେଶ ଖୁସ । ବର୍ତ୍ତମାନ ସମସ୍ତ ପରିବା ଦର ସାମାନ୍ୟ ଚଢା ଦରରେ ବିକ୍ରି ହେଉଥିବା ବେଳେ ଆଳୁ କିଲୋ ପିଛା 15 ଟଙ୍କା ଦରରେ ବିକ୍ରି ହେଉଛି ଓ ପିଆଜ କିଲୋ ପିଛା 17 ଟଙ୍କା ଦରରେ ବିକ୍ରି ହେଉଛି । ଯାହା ଗ୍ରାହକ ମାନଙ୍କୁ ବେଶ ସୁହାଉଛି ।
କଟକରୁ ପ୍ରଭୂକଲ୍ୟାଣ ପାଲ, ଇଟିଭି ଭାରତ
