କଟକ: ରାଜ୍ୟରେ ଲଗାଣ ବର୍ଷା ପ୍ରଭାବରେ ତଳିଆ ଅଞ୍ଚଳରେ ବନ୍ୟା ପରିସ୍ଥିତି । କଟକ ମହାନଦୀ ଅବବାହିକାରେ ଥିବା ତିଗିରିଆ, ବାଙ୍କୀ, ବଡମ୍ବା, ଅଞ୍ଚଳରେ ବନ୍ୟାପାଣି ପ୍ରବାହିତ ହେବା ଫଳରେ ଯୋଗାଯୋଗ ବିଚ୍ଛିନ୍ନ ହୋଇପଡିଛି । ବାଙ୍କୀ ବ୍ଲକର ରତାଗଡରେ ହୁଳୁହୁଳା ନାଳ ଦେଇ ମହାନଦୀର ବନ୍ୟା ପାଣି ଆସିଯିବାରୁ ବାଙ୍କୀ ଓ ତିଗିରିଆ ବ୍ଲକର ୧୪ ଟି ପଞ୍ଚାୟତକୁ ଯୋଗଯୋଗ ବିଚ୍ଛିିନ୍ନ ହୋଇଯାଇଛି ।
ଏହା ସହ ତିଗିରିଆ ବ୍ଲକର ଚଷାଆଁରା ଗ୍ରାମରେ ବୁଧବାର ରାତି ୧୧ଟାରେ ବନ୍ୟାପାଣି ପଶିବା ଫଳରେ ବାହ୍ୟ ଜଗତରୁ ବିଚ୍ଛିନ୍ନ ହୋଇପଡିଛି ଏହି ଗାଁ । ପୂର୍ବରୁ ଏଠାରେ ଯୋଗାଣ ଏବଂ ସମବାୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ପହଞ୍ଚି ସ୍ଥିତି ଅନୁଧ୍ୟାନ କରିବା ସହିତ ବ୍ଲକ ପ୍ରଶାସନକୁ ଲୋକଙ୍କୁ କିଭଳି ଶୁଖିଲା ଓ ରନ୍ଧା ଖାଦ୍ୟ ଯୋଗାଇ ଦିଆଯିବ ସେଥିପାଇଁ ନିର୍ଦ୍ଦେଶ ଦେଇଛନ୍ତି।
ସେପଟେ, ମହାନଦୀର ଉପର ମୁଣ୍ଡରେ ବର୍ଷା କମିବା ଫଳରେ ରାଜ୍ୟରେ ନାହିଁ ବଡ ବନ୍ୟାର ଭୟ ନାହିଁ । 20ଟି ଗେଟରୁ 10ଟି ଗେଟ ବନ୍ଦ କରିଦିଆଯାଇଥିବାବେଳେ ସମସ୍ତ ନଦୀରେ ବନ୍ୟାଜଳ ବିପଦ ସଙ୍କେତ ତଳେ ଜଳ ପ୍ରବାହିତ ହେଉଛି ବୋଲି ଜଳ ସମ୍ପଦ ସଚିବ କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
