କଟକ: ଜିଲ୍ଲାର ସିଡିଏ ୯ ନଂରେ ଥିବା ଏକ କଫି ସେଣ୍ଟର ଛାତ ଉପରେ ଯୁବକଙ୍କ ଆତ୍ମହତ୍ୟା । ବେକରେ ଗାମୁଛା ଲଗାଇ ଯୁବକ ଆତ୍ମହତ୍ୟା କରିଥିବା ବେଳେ ତାଙ୍କ ମୃତଦେହକୁ ଉଦ୍ଧାର କରାଯାଇଛି । ଯୁବକଙ୍କୁ ମାନସିକ ନିର୍ଯାତନା ଦେଉଥିବା ହୋଇଛି ଅଭିଯୋଗ ।
କଫି ସେଣ୍ଟର ଛାତରୁ ଯୁବକଙ୍କ ମୃତଦେହ ଉଦ୍ଧାର
ଯୁବକ ଜଣକ ହେଉଛନ୍ତି ସାଇଲୋ ଗୋବିନ୍ଦପୁରର ସନ୍ଦୀପ ପାତ୍ର । କିଛି ଦିନ ହେବ ଯୁବକ ଜଣକ କଫି ସେଣ୍ଟରରେ କାମ କରୁଥିଲେ । ତାଙ୍କୁ କଫି ସେଣ୍ଟରରେ ଦରମା ଦିଆଯାଉନଥିବା ସହ ମାନସିକ ନିର୍ଯାତନା ଦେଉଥିବା ଅଭିଯୋଗ କରିଛନ୍ତି ପରିବାର ଲୋକେ । ପୋଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ମେଡ଼ିକାଲକୁ ପଠାଇଛି ।
ଇଟିଭି ଭାରତ, କଟକ
