କଟକ: କାମ ନକରି ନିଆଳି ବ୍ଲକ ଅଧିକାରୀ ଚଞ୍ଚକତା କରି ଟଙ୍କା ହଡ଼ପ କରିବା ପ୍ରସଙ୍ଗକୁ ଏବେ ବିଭିନ୍ନ ମହଲରେ ନିନ୍ଦା କରାଯାଉଛି । ଏନେଇ ସମ୍ପୃକ୍ତ ଅଧିକାରୀ ବିରୋଧରେ ୪୨୦ ଦଫା ଲଗାଇବା ସହ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଆଇନଜୀବୀ ଦାବି କରିଛନ୍ତି । ଏଭଳି ଘଟଣା ରୋକିବାକୁ ହେଲେ ଦୃଢ଼ ପଦକ୍ଷେପ ଗ୍ରହଣ କରିବା ସହ ଏହାର ଭିଜିଲାନ୍ସ ତଦନ୍ତ କରାଯାଉ ବୋଲି ସେ କହିଛନ୍ତି ।
କାମ ନକରି ନିଆଳି ବ୍ଲକ ଅଧିକାରୀ ବିଲ କରିନେବା ପ୍ରସଙ୍ଗ, ୪୨୦ ଦଫା ଲଗାଇବାକୁ ଦାବି
ସୂଚନାଯୋଗ୍ୟ ଯେ, ନିଆଳି ବ୍ଲକ ମହଙ୍ଗ ଗ୍ରାମରେ ଜଣେ ସ୍ବେଚ୍ଛାସେବୀ ନିଜର ଗ୍ରାମର ମଶାଣି ପାଇଁ ଗତବର୍ଷ ରାସ୍ତା କରିଥିଲେ । ମାତ୍ର ବ୍ଲକ ଅଧିକାରୀ ଚଞ୍ଚକତା କରି ଏହି କାର୍ଯ୍ୟର ବିଲ କରି ସରକାରୀ ଟଙ୍କା ହଡ଼ପ କରିଥିଲେ । ଅଭିଯୋଗ ହେବା ପରେ ଗତକାଲି ଯୁଦ୍ଧକାଳୀନ ଭିତ୍ତିରେ ଆଉ ଏକ ରାସ୍ତା ନିର୍ମାଣ କରୁଥିଲେ, ଯାହାକି ଇଟିଭି ଭାରତରେ ଖବର ପ୍ରସାରଣ କରାଯାଇଥିଲା ।
କଟକରୁ ନାରାୟଣ ସାହୁ, ଇଟିଭି ଭାରତ
