କଟକ: ସାଇକୋ କିଲରକୁ ନେଇ ସିଲଭର ସିଟିରେ ଆତଙ୍କ । 3ଟି ହତ୍ୟାକାଣ୍ଡ ପରେ ବି ଏପର୍ଯ୍ୟନ୍ତ କମିଶନରେଟ ପୋଲିସର ହାତ ଖାଲି । ଯାହା ଏବେ ସହରବାସୀଙ୍କ ଚିନ୍ତାକୁ ଦ୍ବିଗୁଣିତ କରି ଦେଇଛି । ଆଉ ଫୁଟଫାଥରେ ରାତ୍ରି ଯାପନ କରୁଥିବା ଲୋକଙ୍କ କଥା ଯଦି କହିବା ସେମାନଙ୍କ ପାଇଁ ପାଦେ ପାଦେ ରହିଛି ବିପଦ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଏଭଳି ସ୍ଥିତିରେ ପୋଲିସ ସାଇକୋ କିଲରକୁ ଧରିବାକୁ ଜୋରଦାର ପ୍ରୟାସ ଚଳାଇଥିବାବେଳେ ରାତିରେ ଲୋକେ କିଭଳି ରହୁଛନ୍ତି, ତାହାର ସ୍ଥିତି ସମୀକ୍ଷା କରିଥିଲେ ବାରବାଟୀ ବିଧାୟକ ମହମ୍ମଦ ମୋକିମ୍ । ଏପର୍ଯ୍ୟନ୍ତ ପୋଲିସର ହାତ ଖାଲି ଥିବାରୁ ପୋଲିସର ପାରିବାପଣିଆ ଉପରେ ପ୍ରଶ୍ନ ଉଠାଇଛନ୍ତି ବିଧାୟକ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
