କଟକ: ଫନିରେ କ୍ଷତିଗ୍ରସ୍ତ ହୋଇଥିବା ପଦ୍ମଶ୍ରୀ ଡି ପ୍ରକାଶ ରାଓଙ୍କ ଘର ଓ ସ୍କୁଲର ପୁନରୁଦ୍ଧାର ପାଇଁ ଆବୁଧାବିରେ ବାସ କରୁଥିବା ଓଡିଆ ସମାଜ ସହାୟତା କରିଛନ୍ତି । ଆବୁଧାବି ଓଡିଆ ସମାଜର ଏକ ପ୍ରତିନିଧି ଦଳ ପଦ୍ମଶ୍ରୀ ଶ୍ରୀ ରାଓଙ୍କୁ ଭେଟିବା ସହ 2ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ସୂଚନାଯୋଗ୍ୟ, ବାତ୍ୟା ଫନିର ପ୍ରଭାବରେ ପ୍ରକାଶ ରାଓଙ୍କ ଦ୍ଵାରା ପରିଚାଳିତ ସ୍କୁଲଟି ଭାଙ୍ଗି ଯାଇଥିଲା । ଭାଙ୍ଗିଯାଇଥିବା ସ୍କୁଲର ନୂତନ ଗୃହ ନିର୍ମାଣ ପାଇଁ ଆବୁଧାବି ଓଡ଼ିଆ ସମାଜ ପକ୍ଷରୁ ଏହି ସହାୟତା ଦିଆଯାଇଛି । ଏହା ସହିତ ଆଗାମୀ ଦିନରେ ସ୍କୁଲର ଅନ୍ୟାନ୍ୟ ସମସ୍ୟା ପ୍ରତି ଗୁରୁତ୍ବ ଦେଇ ସହାୟତା ଯୋଗାଇ ଦିଆଯିବ ବୋଲି ସମାଜ ପକ୍ଷରୁ ପ୍ରତିଶ୍ରୁତି ଦିଆଯାଇଛି । ସହାୟତା ପାଇଁ ଶ୍ରୀ ରାଓ ଆବୁଧାବି ଓଡ଼ିଆ ସମାଜର ପ୍ରତିନିଧିଙ୍କୁ ନିଜର କୃତଜ୍ଞତା ଜଣାଇଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
