କଟକ: ସ୍ଥାନୀୟ ତିଗିରିଆ ବ୍ଲକ ଶାଳିଜଙ୍ଗା ଗ୍ରାମ ନିକଟସ୍ଥ ମହାନଦୀ କୂଳ ନିକଟରେ ଦେଖିବାକୁ ମିଳିଛି ଏକ ମୃତ କୁମ୍ଭୀର । ଗତ ବନ୍ୟାରେ ସାତକୋଶିଆ ଅଭୟାରଣ୍ୟରେ ବନ୍ୟାପାଣି ପଶିବା ଫଳରେ 10ରୁ ଊର୍ଦ୍ଧ୍ବ କୁମ୍ଭୀର ମହାନଦୀକୁ ଭାସି ଆସିଥିଲେ । ତେବେ ଏହି 8ଫୁଟ ଲମ୍ବର ମୃତ କୁମ୍ଭୀରଟି ସେହି 10 କୁମ୍ଭୀରଙ୍କ ମଧ୍ୟରୁ ଗୋଟିଏ ବୋଲି ଅନୁମାନ କରାଯାଉଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ପ୍ରକାଶ ଯେ, ବନ୍ୟାପାଣିରେ ଭାସି ଆସିଥିବା କୁମ୍ଭୀରଙ୍କ ମଧ୍ୟରୁ 3ଟି କୁମ୍ଭୀର ଆଠଗଡ କନ୍ଦରପୁର ଓ ମୁଣ୍ଡୁଳି ବ୍ରିଜ ନିକଟରେ ଭାସୁଥିବାର ଦେଖିବାକୁ ମିଳିଛି । ଏହାକୁ ନେଇ ମତ୍ସ୍ୟଜୀବୀ ମାନେ ଆତଙ୍କିତ ହୋଇ ପଡିଥିବା ଦେଖିବାକୁ ମିଳିଛି । ତେବେ ବନ୍ୟାପାଣି କମିବା ପରେ ବାଙ୍କୀ ବ୍ଲକ ଆନନ୍ଦପୁରଠାରେ ଗତ 10 ଦିନ ତଳେ ଆଉ ଏକ ମୃତ କୁମ୍ଭୀର ଗ୍ରାମବାସୀ ମାନେ ଉଦ୍ଧାର କରିଥିଲେ ।
କଟକରୁ ନାରାୟଣ ସାହୁ, ଇଟିଭି ଭାରତ
