କଟକ:ଏକ ଡକାୟତି ଯୋଜନା ପଣ୍ଡ କରିଛି କଟକ କମିଶନରେଟ ପୋଲିସ । କଟକ ଦେବାନ ବଜାର ଅଞ୍ଚଳର ଏକ ମଦ ଦୋକାନରୁ ଡ଼କାୟତି କରିବାକୁ ବ୍ଲୁ ପ୍ରିଣ୍ଟ ପ୍ରସ୍ତୁତ କରୁଥିବା ବେଳେ ଏହି ଡ଼କାୟତ ଗ୍ୟାଙ୍ଗକୁ ଧରିଲା ଲାଲବାଗ ଥାନା ପୋଲିସ । ଏହାସହିତ ତିନୋଟି ଅଫୁଟା ବୋମା ଓ ବୋମା ତିଆରି ସରଞ୍ଜାମ ମଧ୍ୟ ଜବତ କରିଛି ପୋଲିସ ।
ଏହି ଦୁର୍ବୃତ୍ତମାନେ ଏକ କୁଖ୍ୟାତ ଅପରାଧି ସକିଲ ଗ୍ୟାଙ୍ଗର ସଦସ୍ୟ ବୋଲି ପ୍ରାଥମିକ ତଦନ୍ତରୁ ଜଣାପଡିଛି । ତେବେ ୩ ଜଣଙ୍କୁ ଗିରଫ କରିବାରେ ସଫଳ ହୋଇଥିବା ବେଳେ ପୋଲିସ ରେଡ଼ ବେଳେ ଚାରି ଜଣ ଦୁର୍ବୃତ୍ତ ଖସି ଯିବାରେ ସକ୍ଷମ ହୋଇଥିବା ପୋଲିସ କହିଛି । ଏହି ଅଭିଯୁକ୍ତମାନେ ୩ ବର୍ଷ ତଳେ ଆର୍ଶ୍ରୀବାଦ ବେହେରାଙ୍କ ଘର ଉପରକୁ ହୋଇଥିବା ବୋମା ମାଡ଼ ଘଟଣାରେ ମଧ୍ୟ ସାମିଲ ଥିବା ପୋଲିସ ପକ୍ଷରୁ କୁହାଯାଇଛି ।
ଡକାୟତି ଯୋଜନା ପଣ୍ଡ, ୩ ଦୁବୃତ୍ତ ଗିରଫ
କଟକରୁ ନାରାୟଣ ସାହୁ, ଇଟିଭି ଭାରତ
