କଟକ: କଟକରୁ 1 କୋଟି ଟଙ୍କାର ବ୍ରାଉନ ସୁଗାର ଜବତ ହୋଇଛି । CDA ମଧୁସୂଦନ ସେତୁ ନିକଟରୁ ଏହି ବିପୁଳ ପରିମାଣର ନିଶାଦ୍ରବ୍ୟ ଜବତ ହୋଇଥିବା ସୂଚନା ରହିଛି । ଜବତ ବ୍ରାଉନ ସୁଗାରର ପରିମାଣ 1 କେଜି 38 ଗ୍ରାମ, ଯାହାର ବଜାର ମୂଲ୍ୟ ପ୍ରାୟ 1 କୋଟି ଟଙ୍କାରୁ ଉର୍ଦ୍ଧ୍ବ ହେବ ବୋଲି ଜଣାପଡିଛି । ଏହି ଘଟଣାରେ 3 ଅଭିଯୁକ୍ତଙ୍କୁ ଗିରଫ କିରଛି ପୋଲିସ ।
କଟକରୁ କୋଟିଏ ଟଙ୍କାର ବ୍ରାଉନ ସୁଗାର ଜବତ, 3 ଗିରଫ
ଅଭିଯୁକ୍ତମାନେ କୋଲକାତାରୁ ବ୍ରାଉନ ସୁଗାର ଆଣି ଉପକୂଳବର୍ତ୍ତୀ ଜିଲ୍ଲାରେ କାରବାର କରୁଥିଲେ । ଗିରଫ ଅଭିଯୁକ୍ତଙ୍କ ଠାରୁ ଗୋଟିଏ କାର, ଗୋଟିଏ ବାଇକ ଓ 4 ମୋବାଇଲ ଜବତ ମଧ୍ୟ କରିଛି ପୋଲିସ। ଗିରଫ ଅଭିଯୁକ୍ତମାନଙ୍କ ଘର ବାଲେଶ୍ବର ଅଞ୍ଚଳରେ ବୋଲି ପ୍ରାଥମିକ ଭାବେ ଜଣାପଡିଛି । ଏହି ଘଟଣାରେ ଅଧିକ ତଦନ୍ତ ଜାରି ରଖିଛି ପୋଲିସ । ଚଳିତବର୍ଷ ଏପର୍ଯ୍ୟନ୍ତ ୪ କେଜି ବ୍ରାଉନ ସୁଗାର ଜବତ ହୋଇଥିବାବେଳେ ୨୭ ଜଣ ବ୍ରାଉନସୁଗାର ବ୍ୟବସାୟୀଙ୍କୁ ଗିରଫ କରିବାରେ ସଫଳ ହୋଇଛି କମିଶନରେଟ ପୋଲିସ।
କଟକରୁ ନାରାୟଣ ସାହୁ , ଇଟିଭି ଭାରତ
