କଟକ: ଧଳା ଜହର ଜାଲରେ ସିଲଭରସିଟି । ଆଜି (ବୁଧବାର) ବିଡାନସୀ ଅଞ୍ଚଳରୁ ଜବତ ହୋଇଛି 106 ଗ୍ରାମ ବ୍ରାଉନସୁଗାର । ଯାହାର ମୂଲ୍ୟ 10 ଲକ୍ଷରୁ ଉର୍ଦ୍ଧ୍ବ ବୋଲି ଅନୁମାନ କରୁଛି ପୋଲିସ । ଏନେଇ 5 ଜଣଙ୍କୁ ପୋଲିସ ଗିରଫ ମଧ୍ୟ କରିଛି ।
ସୂଚନା ଅନୁସାରେ ଦେଉଳସାହି ଦେବୀ ଘର ନିକଟରେ ଦୀର୍ଘ ଦିନ ହେବ ଏହି ବ୍ୟବସାୟ ହୋଇ ଆସୁଥିବା ବେଳେ ପୋଲିସ ହାତରେ ଲାଗୁ ନଥିଲା କୌଣସି ଠୋସ ସୁରାଗ । ପରିଶେଷରେ ଆଜି ଏହି ବ୍ରାଉନ ସୁଗାର ଆଡା ଉପରେ ପୋଲସ ରେଡ଼ କରି ଘଟଣାସ୍ଥଳରୁ 5 ଜଣକୁ ଗିରଫ କରିଛି। ଏନେଇ ଆଜି କଟକ ପୋଲିସ ପକ୍ଷରୁ ସାମ୍ବାଦିକ ସମ୍ମିଳନୀ ଜରିରାରେ ଅଧିକ ସୂଚନା ଦେବା ନେଇ ଲକ୍ଷ୍ୟ ରଖାଯାଇଛି ।
କଟକରୁ ପ୍ରଭୁକଲ୍ଯାଣ ପାଲ, ଇଟିଭି ଭାରତ
