କଟକ: ରାଜ୍ୟରେ ଜାରି ରହିଛି କୋରୋନା କୋପ । ସଂକ୍ରମଣରେ ଲାଗୁନାହିଁ ବ୍ରେକ । ଲକଡାଉନ ଓ ସପ୍ତାହନ୍ତ ସଟଡ଼ାଉନ ଲାଗୁ କରାଯାଉଥିବା ବେଳେ ସଂକ୍ରମଣ ହ୍ରାସ ପାଉନାହିଁ । ପ୍ରତିଦିନ ହଜାର ହଜାର ସଂଖ୍ୟାରେ କୋରୋନା ପଜିଟିଭ ଚିହ୍ନଟ ହେବାରୁ ଖୁବଶୀଘ୍ର ଜିଲ୍ଲାର ବଡ ମେଡିକାଲ SCBରେ 100 ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ଖୋଲିବାକୁ ଯାଉଛି ।
SCBରେ ଖୁବଶୀଘ୍ର ଖୋଲବି 100 ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ
ଏହି ନୂଆ କୋଭିଡ ହସ୍ପିଟାଲରେ 41ଟି ଆଇସିୟୁ ବେଡ଼ ଉପଲବ୍ଧ ରହିବା ସହିତ 59ଟି ବେଡ଼ରେ ଅକ୍ସିଜେନ ଉପଲବ୍ଧ ହେବ। ଯାହାକି ଅନେକ ଗୁରୁତର ରୋଗୀଙ୍କୁ ବେଶ ସହାୟକ ମିଳିବ ବୋଲି ଜଣାପଡିଛି । କାରଣ ରାଜ୍ୟରେ ବହୁ ସମୟରେ ଶଯ୍ୟା ନ ମିଳିବାରୁ ଲୋକଙ୍କ ମୃତ୍ୟୁ ଘଟୁଥିବା ଦେଖିବାକୁ ମିଳୁଛି ।
ରାଜ୍ୟରେ କଟକ ବଡ ମେଡିକାଲକୁ ପ୍ରାୟ ଅଧିକାଂଶ ରୋଗୀ ଚିକିତ୍ସା ପାଇଁ ଆସୁଥିବାରୁ ସରକାର ଏହି ହସ୍ପିଟାଲ ଉପରେ ଧ୍ୟାନ ଦେଇଛନ୍ତି । ତେବେ ଏସସିବିରେ ଏହି 100 ଶଯ୍ୟାକୁ ମିଶାଇ ମୋଟ 600 ଶଯ୍ୟା ବିଶିଷ୍ଟ ହେବ ବୋଲି ସୂଚନା ମିଳିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
