ଭୁବନେଶ୍ବର: ଉଚ୍ଚ ଶିକ୍ଷାରେ ସଂସ୍କାର ଓ ଉନ୍ନତି ପାଇଁ ସରକାର ନୂଆ ପଦକ୍ଷେପ ଗ୍ରହଣ କରିବାକୁ ଯାଉଛନ୍ତି । ଏନେଇ ଶନିବାର ସମସ୍ତ ସରକାରୀ କଲେଜର ପ୍ରିନସିପଲଙ୍କ ସହ ବୈଠକରେ ଆଲୋଚନା କରିଛନ୍ତି ବିଭାଗୀୟ ମନ୍ତ୍ରୀ ଅରୁଣ ସାହୁ ।
କଲେଜ ମାନଙ୍କର ସ୍ମାର୍ଟ କ୍ଲାସ ରୁମ୍, ଖାଲି ପଡିଥିବା ଅଧ୍ୟାପକ ପଦବୀ ପୂରଣ ନେଇ ବିସ୍ତାର ଭାବେ ଆଲୋଚନା କରାଯାଇଛି । ଏହାସହ କଲେଜର ଭିତ୍ତିଭୂମି ଉନ୍ନତି ଓ ପରିଚାଳନା ନେଇ ମଧ୍ୟ ଆଲୋଚନା ହୋଇଛି ।
ପ୍ରତ୍ୟୋକ କ୍ୟାମ୍ପସରେ କିପରି ଆଇନ ଶୃଙ୍ଖଳା ବଜାୟ ରହିବ ସେ ନେଇ ଗୁରୁତ୍ବ ଦିଆଯିବ ବୋଲି ମନ୍ତ୍ରୀ କହିଛନ୍ତି । ଅନ୍ୟପକ୍ଷରେ ଅଧ୍ୟାପକଙ୍କ ଅଧ୍ୟାପନ ସମୟସୀମା 5 ଘଣ୍ଟା ଥିବା ବେଳେ ଏହା ସୀମିତ ନୁହେଁ ବୋଲି ଉଚ୍ଚ ଶିକ୍ଷା ସଚିବ ପାର୍ଥ ସାରଥୀ ମିଶ୍ର କହିଛନ୍ତି । ଏଣିକି ଅଧ୍ୟାପକମାନେ ଅନ୍ୟ କାମରେ ସହଯୋଗ କରିବେ । ବିଭିନ୍ନ ସରକାରୀ କର୍ଯ୍ୟକ୍ରମରେ ନୋଡାଲ ଅଫିସର ଭାବେ କର୍ଯ୍ୟ କରିବା ସହ ଇ ଗଭର୍ଣ୍ଣାର୍ସ କାମ , ଆଡମିଶନ କାର୍ଯ୍ୟ କରିବେ । ଏସବୁ କାମକୁ ପ୍ରିନ୍ସିପାଲ୍ ତଦାରଖ କରିବେ ବୋଲି ମିଶ୍ର କହିଛନ୍ତି । ବର୍ତ୍ତମାନ ସୁଦ୍ଧା 16ଟି କଲେଜରେ ବାୟୋମାଟ୍ରିକ ବ୍ୟବସ୍ଥା କରାଯାଇଥିବା ବେଳେ ଖୁବ ଶିଘ୍ର ଅନ୍ୟ କଲେଜମାନଙ୍କରେ ବାୟୋମାଟ୍ରିକ ଲଗାଯିବ ବୋଲି ମିଶ୍ର କହିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
