ଭୁବନେଶ୍ବର: ‘ରଥ’ ନାଁଟି ଶୁଣିଲେ ମନରେ ଆସେ କାଳିଆ ଠାକୁର । କିନ୍ତୁ ଏଠାରେ ଆମେ ଯେଉଁ ରଥ କଥା କହୁଛୁ ସେଥିରେ ପ୍ରଭୁ ଜଗନ୍ନାଥ ବସିନାହାନ୍ତି କି ନାହାନ୍ତି ବଡଭାଇ ବଳଭଦ୍ର ଓ ଭଉଣୀ ସୁଭଦ୍ରା । ଏହି ରଥରେ ବୁଲୁଛି ମାଗଣା ଚାରା ଗଛ । ଯାହାର ନାଁ ରଖା ଯାଇଛି ‘ପ୍ରକୃତି ରଥ’ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଏହି ରଥଟି ଘୋଷଯାତ୍ରା ଦିନ ଭୁବନେଶ୍ବରରୁ ବାହାରି ପୁରୀ ଅଭିମୁଖେ ଯାତ୍ରା କରିଥିଲା । ତେବେ ଏହି ରଥର ସବୁଠାରୁ ନିଆରା କଥା ହେଉଛି କି ଏହା ନିଜ ଯିବା ରାସ୍ତାରେ ଥିବା ଗାଁରେ ଚାରା ବାଣ୍ଟି ଥିଲା । ବାତ୍ୟା ଫନି ଦୁଇ ମାସ ତଳେ ନିଜ ତାଣ୍ଡବରେ ରାଜଧାନୀ ଓ ପୁରୀରେ ଅନେକ କ୍ଷୟକ୍ଷତି ଘଟାଇବା ସହ ଅନେକ ଗଛକୁ ନଷ୍ଟ କରି ଦେଇଥିଲା ।
ତେଣୁ ବାତ୍ୟାର କ୍ଷୟକ୍ଷତିକୁ ପୂରଣ କରିବା ପାଇଁ ଏହି ନିଆରା ଉଦ୍ୟମ ଆରମ୍ଭ କରିଛି ଏୟାରଟେଲ କମ୍ପାନୀ । କ୍ଷତିଗ୍ରସ୍ତ ଅଞ୍ଚଳରେ ପୁଣି ସବୁଜିମା ଖେଳାଇବା ପାଇଁ ଗାଁ ଗାଁ ଭିତରେ ଏହି ରଥ ପହଞ୍ଚି ଲୋକଙ୍କୁ ସଚେତନତାର ବାର୍ତ୍ତା ମଧ୍ୟ ବାଣ୍ଟିଛି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
