ଭୁବନେଶ୍ବର: ବାଲିଅନ୍ତା ହତ୍ୟା ଘଟଣାରେ ମୁଖ୍ୟ ଅଭିଯୁକ୍ତ ମାମୁନ ରାଉତରାୟ ଆତ୍ମସମର୍ପଣ କରିଛି । ପୋଲିସ ଅଭିଯୁକ୍ତକୁ ହେପାଜତକୁ ନେବା ସହିତ ପଚରାଉଚୁରା ଚଳାଇଛି । ସେପଟେ, ହତ୍ୟାକାରୀ ଠାରୁ ବାଇକ ଓ କଟୁରୀ ଜବତ କରିଛି ପୋଲିସ ।
ସୂଚନାଯୋଗ୍ୟ, ଭୁବନେଶ୍ବର ଉପଖଣ୍ଡ ବାଲିଅନ୍ତା ପଞ୍ଚମୁଖୀ ଆପାର୍ଟମେଣ୍ଟରେ ମାମୁନ ତାଙ୍କ ପରିବାର ସହ ରହୁଥିବା ବେଳେ ସାନ ଭାଇ ପ୍ରୀତମ ମଧ୍ୟ ରହୁଥିଲେ । ହେଲେ କିଛିଦିନ ହେବ ଦୁହିଁଙ୍କ ମଧ୍ୟରେ ମତଭେଦ ଦେଖାଦେଇଥିଲା । ପରେ ଏହି ମତଭେଦ ଶୁକ୍ରବାର ଗୁରୁତର ରୂପ ନେଇଥିଲା । ଫଳରେ ମାମୁନ ତାଙ୍କ ସାନଭାଇଙ୍କୁ ଗୋଡ଼ାଇ ଗୋଡ଼ାଇ ହତ୍ୟା କରିଥିଲେ । କାଣ୍ଡ ଭିଆଇବା ପରେ ଘଟଣାସ୍ଥଳରୁ ଅଭିଯୁକ୍ତ ସେଠାରୁ ଫେରାର ହୋଇଯାଇଥିଲା ।
ତେବେ ପୋଲିସ ସିସିଟିଭି କ୍ୟାମେରା ସହ ସ୍ଥାନୀୟ ଲୋକଙ୍କ ମତାମତାକୁ ନେଇ ଘଟଣାର ତଦନ୍ତ ଜାରି ରଖିଥିବା ବେଳେ ଅଭିଯୁକ୍ତ ଆତ୍ମସମର୍ପଣ କରିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ