ଭୁବନେଶ୍ବର: ଏକ ସଂଘର୍ଷପୂର୍ଣ୍ଣ ମୁକାବିଲାରେ ବ୍ୟୁରୋକ୍ରାଟ ଏକାଦଶକୁ 3 ରନରେ ମାତ୍ ଦେଇଛି ମିଡିଆ ଏକାଦଶ । ଏଥି ସହିତ ଦ୍ବାଦଶ ଟାଟାଷ୍ଟିଲ ଫ୍ରେଣ୍ଡସିପ୍ କ୍ରିକେଟ ଟୁର୍ଣ୍ଣାମେଣ୍ଟର ବିଜୟୀ ମୁକଟ ପିନ୍ଧିଛି ଦଳ ।
ଦ୍ଵାଦଶ ବର୍ଷରେ ପଦାର୍ପଣ କରିଥିବା ଏହି ପ୍ରତିଯୋଗିତା ଟାଟା ଷ୍ଟିଲ ପକ୍ଷରୁ ସ୍ଥାନୀୟ ବାଣୀ ବିହାର ବିଜୁ ପଟ୍ଟନାୟକ ସ୍ପୋର୍ଟ ଗ୍ରାଉଣ୍ଡରେ ଆୟୋଜିତ ହୋଇଥିଲା । ପ୍ରଥମ ମ୍ୟାଚ ଲିଡ଼ର ଏକାଦଶ ଓ ବ୍ୟୁରୋକ୍ରାଟ ଏକାଦଶ ମଧ୍ୟରେ ଖେଳା ଯାଇଥିଲା । ଯେଉଁଥିରେ ଲିଡ଼ର ଏକାଦଶ 1 ରନରେ ପରାଜିତ ହୋଇଥିଲା । ସେହିପରି 2ୟ ମ୍ୟାଚ୍ ମିଡିଆ ଏକାଦଶ ଓ ଟାଟାଷ୍ଟିଲ ଏକାଦଶ ମଧ୍ୟରେ ଖେଳାଯାଇଥିଲା । ଯେଉଁଥିରେ ମିଡିଆ ଏକାଦଶ ବିଜୟ ଲାଭ କରିଥିଲା ।
ପରେ ଦୁଇ ବିଜୟ ଦଳ ମଧ୍ୟରେ ଫାଇନାଲ ମ୍ୟାଚ ଖେଳା ଯାଇଥିଲା । ଯାହାକି ବହୁତ ସଂଘର୍ଷ ପୂର୍ଣ୍ଣ ମ୍ୟାଚ ରହିଥିଲା । ମିଡିଆ ଏକାଦଶ ପ୍ରଥମେ ବ୍ୟାଟିଂ କରି 6 ୱିକେଟ ହରାଇ 61 ରନ କରିବାକୁ ସକ୍ଷମ ହୋଇଥିଲା । ଜବାବରେ ବ୍ୟୁରୋକ୍ରାଟ ଏକାଦଶ 59 ରନ କରିବାକୁ ସକ୍ଷମ ହୋଇ ପାରିଥିଲା ।
ଶେଷରେ ଅତିଥିମାନେ ମିଡିଆ ଏକାଦଶକୁ ଚାମ୍ପିଆନ ଟ୍ରଫି ପ୍ରଦାନ କରିଥିଲେ । ମନୋଜ ବିଶ୍ବାଳଙ୍କୁ ମ୍ୟାନ ଅଫ ଦ ମ୍ୟାଚ ଘୋଷଣା କରାଯାଇଥିବା ବେଳେ ଜଗଦୀଶ ଦାସଙ୍କୁ ମ୍ୟାନ ଅଫ ଟୁର୍ଣ୍ଣାମେଣ୍ଟ ଘୋଷଣା କରାଯାଇଥିଲା ।
ଭୁବନେଶ୍ବରରୁ ଲକ୍ଷ୍ମିକାନ୍ତ ଦାସ, ଇଟିଭି ଭାରତ
