ବୌଦ୍ଧ: ଉଦଯାପିତ ହେଲା ଦୁର୍ନୀତି ନିବାରଣ ସଚେତନତା ସପ୍ତାହ । ତେବେ ଜିଲ୍ଲାର ବିଭିନ୍ନ ବିଭାଗ ଓ ପଞ୍ଚାୟତ ଗୁଡିକରେ ଦୁର୍ନୀତି ଚରମ ଶିଖରରେ ପହଞ୍ଚିଥିବା ବେଳେ ଭିଜିଲାନ୍ସ ବିଭାଗକୁ ଏତେଟା ସଫଳତା ମିଳିପାରୁ ନାହିଁ । ସେପଟେ ଏ ଦିଗରେ ବିଭାଗ ତତ୍ପରତା ପ୍ରକାଶ କରି ଦୁର୍ନୀତିକୁ ରୋକିବା ପାଇଁ ସାଧାରଣରେ ଦାବି ହୋଇଛି ।
ଜିଲ୍ଲାରେ ଦୁର୍ନୀତି ଚରମ ଶିଖରରେ ପହଞ୍ଚିଥିବା ବେଳେ ଭିଜିଲାନ୍ସ ବିଭାଗ ଏହାକୁ ରୋକିବାରେ ଅସମର୍ଥ ହୋଇପଡିଛି । ପଲିଥିନ ସମଗ୍ର ପରିବେଶକୁ ଦୂଷିତ କଲା ଭଳି ଦୁର୍ନୀତିକୁ ବନ୍ଦ କରାଯାଇପାରିବ ନାହିଁ ବୋଲି ଖୋଦ୍ ସରକାରୀ ଅଧିକାରୀମାନେ ସ୍ବୀକାର କରିଛନ୍ତି । ଜିଲ୍ଲାର ଭିଜିଲାନ୍ସ ବିଭାଗ ପକ୍ଷରୁ ଦୁର୍ନୀତି ନିବାରଣ ସଚେତନତା ସପ୍ତାହ ଉଦଯାପିତ ହୋଇଛି । ଆଜି(ରବିବାର) ମଧ୍ୟ ରାଷ୍ଟ୍ରୀୟ ଏକତା ସପ୍ତାହ ଉଦଯାପିତ ହୋଇଥିଲା । ତେବେ ଜିଲ୍ଲାର ବିଭିନ୍ନ ବିଭାଗ ଓ ପଞ୍ଚାୟତ ଗୁଡିକରେ ଦୁର୍ନୀତି ଚରମ ଶିଖରରେ ପହଞ୍ଚି ଯାଇଛି ।
ଏନ.ଆର.ଇ.ଜି.ଏସ, ଜଳସେଚନ, ଫାର୍ମ ପଣ୍ଡ, ଜବ କାର୍ଡ, ରାସ୍ତାଘାଟ ତଥା ସର୍ବୋପରି ପ୍ରଧାନମନ୍ତ୍ରୀ ଆବାସ ଯୋଜନାରେ ହୋଇଥିବା ଦୁର୍ନୀତିର ଲମ୍ବା ତାଲିକା ରହିଛି । ଭିଜିଲାନ୍ସ ବିଭାଗ ବିଗତ 5 ବର୍ଷ ମଧ୍ୟ ହାତଗଣତି କେତୋଟି ଟ୍ରାପ କେସ କରି ଚୁପ ବସିଥିବା ବେଳେ ଅନେକ ସ୍ଥାନରେ ବ୍ୟାପକ ସରକାରୀ ଅର୍ଥର ହରିଲୁଟ ହେଉଛି । କେବଳ ଔପଚାରିକତା ଦୃଷ୍ଟିରୁ ଭିଜିଲାନ୍ସ ସଚେତନ ସପ୍ତାହ ପାଳନ କରାଯାଉଥିବା ଚର୍ଚ୍ଚା ହେଉଛି । ଏଣୁ ଭିଜିଲାନ୍ସ ବିଭାଗ ଏ ଦିଗରେ ଅଧିକ ତତ୍ପରତା ପ୍ରକାଶ କରି ଏଭଳି ଦୁର୍ନୀତିର ପର୍ଦ୍ଦାଫାଶ ପାଇଁ ସାଧାରଣରେ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
