ବୌଦ୍ଧ: ଅଦିନିଆ ବର୍ଷାରେ ଭିଜୁଛି ସାରା ବୌଦ୍ଧ ଜିଲ୍ଲା । ବର୍ଷା ଯୋଗୁଁ ମଣ୍ଡିରେ ଧାନ ଭିଜି ଗଜା ହେବାକୁ ବସିଥିବା ବେଳେ ପନିପରିବା ଓ ରବିଚାଷ ମଧ୍ୟ ନଷ୍ଟ ହୋଇଯାଇଛି । ଦୀର୍ଘ ୪୮ ଘଣ୍ଟା ଧରି ବର୍ଷା ଲାଗିରହିଥିବା ବେଳେ ଚିନ୍ତାରେ ପଡିଛନ୍ତି ଚାଷୀକୂଳ ।
ଚିନ୍ତାରେ ବୌଦ୍ଧ ଚାଷୀ
ବିଶେଷ ଭାବରେ ଜିଲ୍ଲାର ସିମିଳିପଦର, କଣ୍ଟାମାଳ, ଶୁଣ୍ଢିପଦର, ବିଳାସପୁର, ବାଉଁଶୁଣୀ, ବହିରା,ମୁଣ୍ଡିପଦର, ବାମଣ୍ଡା ଭଳି ସମବାୟ ସମିତିର ମଣ୍ଡିରେ ପଡିରହିଥିବା ଧାନ ଭିଜି ଯାଇଥିବା ସୂଚନା ମିଳିଛି । ତେବେ ଆଗକୁ ଆଉ ଯଦି ବର୍ଷା ଲାଗି ରହେ ତେବେ ପରିସ୍ଥିତି ଆହୁରି ଗମ୍ଭୀର ହେବାର ସମ୍ଭାବନା ରହିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
