ବୌଦ୍ଧ: ଜିଲ୍ଲା ମୁଖ୍ୟ ଚିକିତ୍ସାଳୟରେ ରହିଥିବା ସରକାରୀ ଅଲଟ୍ରା ସାଉଣ୍ଡ ମେସିନ ଅଚଳ ହୋଇ ପଡିଛି । କେବଳ ବୌଦ୍ଧ ସହରରେ ଥିବା ଦୁଇଟି ପ୍ରାଇଭେଟ ଅଲଟ୍ରାସାଉଣ୍ଡ ମେସିନରେ ପରୀକ୍ଷା କରି ଲୋକେ ଖର୍ଚ୍ଚାନ୍ତ ହେଉଥିବା ଅଭିଯୋଗ କରିଛନ୍ତି ।
ବୌଦ୍ଧ ମୁଖ୍ୟ ଚିକିତ୍ସାଳୟରେ ଅଲଟ୍ରା ସାଉଣ୍ଡ ମେସିନ ଅଚଳ, ରୋଗୀ ହନ୍ତସନ୍ତ
କିଛି ବର୍ଷ ପୂର୍ବରୁ ବୌଦ୍ଧ ମୁଖ୍ୟ ଡାକ୍ତରଖାନାରେ ଏକ ଅଲଟ୍ରାସାଉଣ୍ଡ ମେସିନ ପଶ୍ଚିମ ଓଡିଶା ବିକାଶ ପରିଷଦର ପକ୍ଷରୁ ସ୍ଥାପନ ହୋଇଥିଲା । ୫ ଲକ୍ଷ ୮୬ ହଜାର ଟଙ୍କା ଅନୁଦାନରେ ଏହି ମେସିନ କିନ୍ତୁ ଦୀର୍ଘ ବର୍ଷ ହେଲା ଏହା ଅକାମୀ ହୋଇ ପଡି ରହିଥିବାରୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ତେଣୁ ଡାକ୍ତରଖାନା ପରିସରରେ ଏକ ଅଲଟ୍ରା ସାଉଣ୍ଡ ମେସିନ ସ୍ଥାପନ ପାଇଁ ସାଧାରଣରେ ଦାବି ହୋଇଛି । ରାଜ୍ୟ ମହିଳା କମିଶନ ବୌଦ୍ଧ ଡାକ୍ତରଖାନାକୁ ଗସ୍ତ କରିଥିବା ବେଳେ ଏ ସମ୍ପର୍କରେ ପ୍ରତିକ୍ରିୟା ଦେଇ କହିଛନ୍ତି ଯେ ତୁରନ୍ତ ଏଦିଗରେ ଆବଶ୍ୟକ ପଦକ୍ଷେପ ଗ୍ରହଣ କରାଯିବ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
