ବୌଦ୍ଧ: ସୁନୀଲ ମିଶ୍ର ରାଷ୍ଟ୍ରପତି ପଦକ ପାଇବା ଘୋଷଣା ପରେ ତାଙ୍କ ପରିବାର ସହିତ ସାରା ଜିଲ୍ଲାରେ ଆନନ୍ଦର ଲହରୀ ଖେଳିଯାଇଛି । ବୌଦ୍ଧ ସହରର ବଗିଚା ସାହିରେ ଜନ୍ମିତ ସୁନୀଲ ମିଶ୍ର ଚଳିତ ବର୍ଷ ସ୍ବାଧୀନତା ଦିବସ ଅବସରରେ ସମ୍ମାନ ଜନକ ରାଷ୍ଟ୍ରପତି ପଦକ ପାଇବାକୁ ନେଇ ଜିଲ୍ଲାବାସୀ ବେଶ ଆନନ୍ଦିତ ଅଛନ୍ତି ।
ବୌଦ୍ଧର ସୁନୀଲ ମିଶ୍ରଙ୍କୁ ରାଷ୍ଟ୍ରପତି ପଦକ, ଜିଲ୍ଲାରେ ଖୁସିର ଲହରୀ
ସେ ବର୍ତ୍ତମାନ ମୁମ୍ବାଇ ସ୍ଥିତ ସିଆଇଏସଏଫ ର ଡେପୁଟି କମାଣ୍ଡାଣ୍ଟ ଭାବରେ କାର୍ଯ୍ୟରତ ଅଛନ୍ତି । ତେବେ କୋରୋନା କଟକଣା ଯୋଗୁଁ, ପରେ ଏକ ସ୍ବତନ୍ତ୍ର ଉତ୍ସବରେ ତାଙ୍କୁ ଏହି ପଦକ ପ୍ରଦାନ କରାଯିବ ବୋଲି ସୂଚନା ମିଳିଛି । ରାଷ୍ଟ୍ରପତି ପୁରସ୍କାର ପାଇବା ନେଇ ଖୁସିବ୍ୟକ୍ତ କରିବା ସହ ଏକ ଭିଡିଓ ବାର୍ତ୍ତାରେ ସମସ୍ତଙ୍କୁ କୃତଜ୍ଞତା ଜଣାଇଛନ୍ତି ।
ଅନ୍ୟପଟେ ତାଙ୍କ ମା' ଓ ତାଙ୍କୁ ପାଠ ପଢାଇଥିବା ଶିକ୍ଷୟିତ୍ରୀ ଏହି ଖବରରେ ଖୁସିବ୍ୟକ୍ତ କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
