ବୌଦ୍ଧ: ଅଶୁଭ ପାଲଟିଲା ଶନିବାର । ଆଜି(ଶନିବାର) ସକାଳୁ ବୌଦ୍ଧ ଜିଲ୍ଲାର ବୀରନରସିଂପୁର ଅଞ୍ଚଳରେ ଘଟିଛି ଦୁଇ ଦୁଇଟି ସଡକ ଦୁର୍ଘଟଣା । ଦୁଇଟି ଦୁଇ ଦୁର୍ଘଟଣାରେ ତିନି ଜଣ ଗୁରୁତର ଆହତ ହୋଇଥିବାବେଳେ ଜଣେ ଯୁବକଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି ।
ବୌଦ୍ଧ ଜିଲ୍ଲାର ବୀରନରସିଂପୁର 57 ନମ୍ବର ଜାତୀୟ ରାଜପଥରେ ଶନିବାର ଦୁଇଟି ପୃଥକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବାବେଳେ ତିନି ଜଣ ଗୁରୁତର ଆହତ ହୋଇଛନ୍ତି ।
ସୂଚନା ଅନୁଯାୟୀ, ସକାଳୁ ଏକ ପିକପ ଭ୍ୟାନ ବୀରନରସିଂପୁରରେ ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଦୁର୍ଘଟଣାରେ ଖୋର୍ଦ୍ଧାର ରବୀନ୍ଦ୍ର ନାଏକ ଗୁରୁତର ଅବସ୍ଥାରେ ଅଗ୍ନିଶମ ବିଭାଗ ଦ୍ବାରା ଉଦ୍ଧାର ହୋଇଥିଲେ । ତାଙ୍କୁ ପ୍ରଥମେ ବୌଦ୍ଧ ଡାକ୍ତରଖାନା ଓ ପରେ ବୁର୍ଲା ସ୍ଥାନାନ୍ତର କରାଯାଇଛି ।
ସେହିପରି ଆଉ ଏକ ବାଇକ ଯୋଗେ ମନମୁଣ୍ଡାରୁ ନୟାଗଡ ଯାଉଥିବାବେଳେ କୃଷ୍ଣ ମୋହନପୁରଠାରେ ଏକ ବାଇକ ଦୁର୍ଘଟଣା ହୋଇଥିଲା । ଏହି ଦୁର୍ଘଟଣାରେ ବୁଦ୍ଧି ବାମନ ସ୍ବାଇଁ(୩୦),ପ୍ରକାଶ ଖଟେଇ(୪୦)ଗୁରୁତର ଆହତ ହୋଇଥିବାବେଳେ ଶିବରାମ ସ୍ବାଇଁ(୨୦)ଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା ।
ଶିବରାମଙ୍କ ମରଶରୀର ବୌଦ୍ଧରେ ବ୍ୟବଚ୍ଛେଦ କରାଯାଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
