ବୌଦ୍ଧ: ଦିନକୁ ଦିନ ବୌଦ୍ଧରେ ବଢିବାକୁ ଲାଗିଛି ଗଞ୍ଜେଇ ଚାଷ । ମନମୁଣ୍ଡା ପୋଲିସ ସିମିଳିକଟା ଗ୍ରାମ୍ୟ ଜଙ୍ଗଲରେ ଚଢ଼ାଉ କରି 103 ଏକରରୁ ଅଧିକ ବେଆଇନ ଗଞ୍ଜେଇ ଚାଷକୁ ନଷ୍ଟ କରିଛି । ବରିଷ୍ଠ ପୋଲିସ ଅଧିକାରୀଙ୍କ ଉପସ୍ଥିତିରେ ମନମୁଣ୍ଡା ପୋଲିସ ଓ ଅନ୍ୟ ସହଯୋଗୀ କର୍ମଚାରୀଙ୍କ ସହାୟତାରେ ଚଢାଉ ହୋଇଥିଲା ।
ଗଞ୍ଜେଇ ଚାଷକୁ ନଷ୍ଟ କଲା ପୋଲିସ
ସେପଟେ, କିନ୍ତୁ ମନମୁଣ୍ଡା ବନାଞ୍ଚଳର ଦୁଇ ଜଣ ବନ ବିଭାଗର ଅଧିକାରୀ ମାଫିଆଙ୍କ ସହ ମିଶି ଏଭଳି ବେଆଇନ ଚାଷ ହୋଇଥିବା ଅଭିଯୋଗ ହୋଇଛି । ଭିଜିଲାନ୍ସ ତଦନ୍ତ କଲେ ଅନେକ ତଥ୍ୟ ପଦାକୁ ଆସିବ ବୋଲି ଚର୍ଚ୍ଚା ହେଉଛି ।ବୁଦ୍ଧିଜୀବୀ ଜଙ୍ଗଲ ଭିତରେ ଚାଲିଥିବା ଏହି ସବୁଜ ଜହର ଚାଷ ପଛରେ ଜଙ୍ଗଲ ବିଭାଗ ଓ ରାଜସ୍ବ କର୍ମଚାରୀଙ୍କ ଭୂମିକା ସନ୍ଦେହ ଘେରରେ ବୋଲି କହିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
