ବୌଦ୍ଧ: କାର୍ତ୍ତିକ ମାସ ଶେଷ ହେବା ପରେ ପୁଣି ଥରେ ଆରମ୍ଭ ହେଲା ସଡକ ଦୁର୍ଘଟଣା । ସୋମବାର ଦୁଇଟି ଓ ମଙ୍ଗଳବାର ତିନୋଟି ପୃଥକ ସଡକ ଦୁର୍ଘଟଣାରେ ପାଞ୍ଚ ଜଣ ଗୁରୁତର ଆହତ ହୋଇଥିବା ବେଳେ ଜଣଙ୍କ ମୃତ୍ୟୁ ଘଟିଛି ।
ଗତକାଲି ସନ୍ଧ୍ୟାରେ ବୌଦ୍ଧ ଜିଲ୍ଲାର ଦୁଇଟି ସ୍ଥାନରେ ସଡକ ଦୁର୍ଘଟଣାରେ ହୋଇଥିବାବେଳେ ଜଣଙ୍କ ମୃତ୍ୟୁ ଘଟିଛି । ଖରଭୂଇଁ ନିକଟରେ ଘଟିଥିବା ସଡକ ଦୁର୍ଘଟଣାରେ କୁଟୀଝାର ଗ୍ରାମର ଜନୈକ ଯୁବକଙ୍କୁ ଗୁରୁତର ଅବସ୍ଥାରେ ପୁରୁଣାକଟକ ଓ ପରେ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ତାଙ୍କର ମୃତ୍ୟୁ ହୋଇଥିଲା । ତେବେ ଚିକିତ୍ସା ଅବହେଳାରୁ ତାଙ୍କ ମୃତ୍ୟୁ ହୋଇଥିଵା ମୃତକଙ୍କ ପିତା ଅଭିଯୋଗ କରିଛନ୍ତି । ପୁରୁଣାକଟକ ପୋଲିସର ଅସହଯୋଗ କାରଣରୁ ଆଜି ଅପରାହ୍ନ ପର୍ଯ୍ୟନ୍ତ ମୃତଦେହକୁ ବ୍ୟବଛେଦ ମଧ୍ୟ କରାଯାଇପାରି ନଥିଲା । ସେପଟେ ବୌଦ୍ଧ ଜିଲ୍ଲାର ପୃଥକ ପୃଥକ ତିନୋଟି ସ୍ଥାନରେ ସଡକ ଦୁର୍ଘଟଣା ଘଟି ପାଞ୍ଚରୁ ଅଧିକ ଗୁରୁତର ଆହତ ହୋଇଛନ୍ତି ।
ତେବେ ଜିଲ୍ଲାରେ ଗତ ମାସରେ ସଡକ ଦୁର୍ଘଟଣା ସଂଖ୍ୟା ହ୍ରାସ ପାଇଥିବା ବେଳେ ଗତକାଲିଠାରୁ ହଠାତ ଦୁର୍ଘଟଣାର ସଂଖ୍ୟା ପୁଣିଥରେ ବଢିବା ଆରମ୍ଭ ହୋଇଥିବାରୁ ସାଧାରଣରେ ଚିନ୍ତା ବଢାଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
