ବୌଦ୍ଧ: ଜିଲ୍ଲାରେ ଦିନକୁ ଦିନ ରୌଦ୍ରତାପ ବୃଦ୍ଧି ପାଉଛି । ପାରଦ ମଧ୍ୟ ୪୫ ଡିଗ୍ରୀ ଉପରେ । ତେବେ ତେଲିଵନ୍ଧ ପଞ୍ଚାୟତର ଆନନ୍ଦପୁର ଗ୍ରାମର ଗିରୀଶ ନାଏକଙ୍କ ଅଂଶୁଘାତରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି ବୌଦ୍ଧ
ଅତ୍ୟନ୍ତ ଗରିବ ଶ୍ରେଣୀର ମୃତ ଗିରୀଶ (୪୫ ବର୍ଷ) ଛେଳି ଚରାଇ ପରିବାର ପ୍ରତିପୋଷଣ କରୁଥିଲେ । ସୋମବାର ଛେଳି ଚରାଇ ଫେରିବା ପରେ ସେ ଅସୁସ୍ଥ ଅନୁଭବ କରିଥିଲେ ।
ମଙ୍ଗଳବାର ପୁଣି ଛେଳି ଚରାଇବାକୁ ଯାଇଥିବା ବେଳେ ପ୍ରଚଣ୍ଡ ଖରାରେ ଗୁରୁତର ହେବାରୁ ଘରକୁ ଫେରି ଆସିଥିଲେ । ସେଠାରୁ ଆମ୍ବୁଲାନ୍ସ ଯୋଗେ ତାଙ୍କୁ ବୌଦ୍ଧ ମୁଖ୍ୟ ଚିକିତ୍ସାଳୟକୁ ଅଣାଯାଇ ଥିଲେ ମଧ୍ୟ ବାଟରେ ଗିରୀଶଙ୍କ ମୃତ୍ୟୁ ହୋଇଛି ।
ମୃତ ଗିରୀଶ ଜଣେ ଗରିବ ପରିବାରର ହୋଇଥିବାରୁ ତାଙ୍କୁ ସରକାରୀ ସ୍ତରରେ ଥିବା ଅଂଶୁଘାତ ମୃତ୍ୟୁ ସହାୟତା ପ୍ରଦାନ କରାଯିବାକୁ ଗିରୀଶଙ୍କ ବଡ ଭାଇ ସୁରେଶ ନାଏକ ଦାବି କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
