ବୌଦ୍ଧ: ଅଦିନିଆ ବର୍ଷା ବିଦ୍ୟାଳୟର ବାରଣ୍ଡାରେ ପାଣି । ଦୀର୍ଘ ପନ୍ଦର ବର୍ଷ ହେଲା ବର୍ଷା ପାଣି ଓ ନର୍ଦ୍ଦମା ପାଣିରେ ବେହାଲ ହୋଇପଡୁଛି ବିଦ୍ୟାଳୟ ପରିସର । ଏନେଇ ଉଚ୍ଚ କର୍ତ୍ତୁପକ୍ଷଙ୍କୁ ଜଣାଇଥିଲେ ମଧ୍ୟ କୌଣସି ସୁଫଳ ମିଳୁନଥିବା ଅଭିଯୋଗ ହୋଇଛି ।
ଅଦିନିଆ ବର୍ଷା ବିଦ୍ୟାଳୟର ବାରଣ୍ଡାରେ ପାଣି
ବୌଦ୍ଧ ପୌରପରିଷଦ ଅନ୍ତର୍ଗତ ଖଲିଆବଗିଚା ଉଚ୍ଚ ପ୍ରାଥମିକ ବିଦ୍ୟାଳୟ ପରିସର ବର୍ଷା ପାଣି ଓ ନର୍ଦ୍ଦମା ପାଣି ଯୋଗୁଁ ଛାତ୍ରଛାତ୍ରୀଙ୍କ ଉପସ୍ଥାନ କମିବାରେ ଲାଗିଛି । ଏଭଳି ଅବସ୍ଥା ମାସେ କିମ୍ବା ବର୍ଷେ ନୁହେଁ, ଦୀର୍ଘ ପନ୍ଦର ବର୍ଷ ହେଲା ଏଭଳି ପରିସ୍ଥିତି ସୃଷ୍ଟି ହୋଇଛି । ତେବେ ପୌରାଞ୍ଚଳର ଏକ ପ୍ରତିଷ୍ଠିତ ବିଦ୍ୟାଳୟର ଏଭଳି ଅବସ୍ଥା ସମସ୍ତଙ୍କ ମନରେ ଆଶ୍ଚର୍ଯ୍ୟ ସୃଷ୍ଟି କରିଛି ।
ଏନେଇ ବିଦ୍ୟାଳୟ ପକ୍ଷରୁ ଓ ପରିଚାଳନା କମିଟି ପକ୍ଷରୁ ଅନେକ ଥର ପ୍ରଶାସନ ନିକଟରେ ଗୁହାରୀ କରିଥିଲେ ମଧ୍ୟ କୌଣସି କାର୍ଯ୍ୟ ହୋଇପାରୁନାହିଁ । ତୁରନ୍ତ ପ୍ରଶାସନ ଏଦିଗରେ ପଦକ୍ଷେପ ଗ୍ରହଣ କରିବାକୁ ସାଧାରଣରେ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
