ବୌଦ୍ଧ: ସାମ୍ବାଦିକଙ୍କୁ ଦୁର୍ବୃତ୍ତଙ୍କ ଆକ୍ରମଣ । ଏହାସହ ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି । ଗତକାଲି ରାତି ପ୍ରାୟ 10ଟା ବେଳେ ଏପରି ଘଟଣା ବୌଦ୍ଧ ଜିଲ୍ଲାରେ ଦେଖିବାକୁ ମିଳିଛି ।
ଖବର ଅନୁଯାୟୀ, ରଥଯାତ୍ରା ଉପଲକ୍ଷେ ଆୟୋଜିତ ମୀନାବଜାର କାର୍ଯ୍ୟ ହାତକୁ ନେଇଥିବା ସାମ୍ବାଦିକ ହିସାବ ସାରି ଫେରୁଥିଲେ । ଏହି ସମୟରେ ପ୍ରାୟ 30 ଜଣ ଦୁର୍ବୃତ୍ତ ତାଙ୍କୁ ମିଳିତ ଭାବେ ଆକ୍ରମଣ କରିଥିଲେ । ପରେ ଛୁରୀରେ ପେଟକୁ ଭୁଷିବା ସହ ତାଙ୍କ ନିକଟରେ ଥିବା 60 ହଜାର ଟଙ୍କା ଲୁଟି ନେଇଥିବା ବୌଦ୍ଧ ଥାନାରେ ଲିଖିତ ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଅପରପକ୍ଷରେ ପ୍ରତିପକ୍ଷଙ୍କ ତରଫରୁ ମଧ୍ୟ ଥାନାରେ ଲିଖିତ ଅଭିଯୋଗ କରାଯାଇଥିବାବେଳେ ଘଟଣାର ତଦନ୍ତ ବୌଦ୍ଧ ଥାନା ଅଧିକାରୀ ତପସ୍ବିନୀ କହଁର କରୁଥିବା ସୂଚନା ମିଳିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
