ବୌଦ୍ଧ: ଲଗାଣ ବର୍ଷା ଚାଷୀଙ୍କ ପାଇଁ ଆନନ୍ଦ ଆଣିଥିବାବେଳେ କିଛି ଗରିବଙ୍କ ପାଇଁ ଦୁଃଖର କାରଣ । ମଙ୍ଗଳବାର ବିଳମ୍ବିତ ରାତିରେ ବୌଦ୍ଧ ପୌରାଞ୍ଚଳର ବାପୁଜୀନଗର ବସ୍ତିର ଗୋଟିଏ ପରିବାରର ବାସଗୃହ ସମ୍ପୂର୍ଣ୍ଣ ଭାଙ୍ଗି ମାଟିରେ ମିଶି ଯାଇଛି ।
ଲଗାଣ ବର୍ଷାରେ ମାଟିରେ ମିଶିଲା ଘର
ତେବେ ପରିବାରର 6 ଜଣ ସଦସ୍ୟ ଅଳ୍ପକେ ମୃତ୍ୟୁ ମୁଖରୁ ବର୍ତ୍ତି ଯାଇଛନ୍ତି । ସୂଚନାମୁତାବକ, ବାପୁଜୀନଗରର ଏହି ବେତରା ସମ୍ପ୍ରଦାୟର ଆଦିବାସୀ ପରିବାର ବାଉଁଶରୁ ପ୍ରସ୍ତୁତ ବିଭିନ୍ନ ସାମଗ୍ରୀ ପ୍ରସ୍ତୁତ କରି ପ୍ରତିପୋଷଣ କରୁଥିଲେ କିନ୍ତୁ ବର୍ତ୍ତମାନ ଲକଡାଉନ କାରଣରୁ ସେମାନେ ବିଶେଷ ପ୍ରଭାବିତ ହୋଇଛନ୍ତି । ଆଉ ଏହି ସମୟରେ ବୋଝ ଉପରେ ନଳିତାବିଡା ଭଳି ଘରଟି ମଧ୍ୟ ଭାଙ୍ଗିଯାଇଛି । ତେବେ ସ୍ଥାନୀୟ ସ୍ବେଚ୍ଛାସେବୀ ଏହି ଅସହାୟ ପରିବାରକୁ ସରକାରୀ ସହାୟତା ଯୋଗାଇଦେବାକୁ ଦାବି କରିଛନ୍ତି ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
