ବୌଦ୍ଧ: ମ୍ୟାଲେରିଆ ନିରାକରଣ କ୍ଷେତ୍ରରେ ବୌଦ୍ଧକୁ ମିଳିବ ସ୍ବତନ୍ତ୍ର ପରିଚୟ । ଏନେଇ ମଶାର ଲାଭାକୁ ସମୂଳେ ନଷ୍ଟ କରୁଥିବା ଗାମ୍ବୁଶିଆ ମାଛ ଚାଷ କରୁଛି ବୌଦ୍ଧ ପ୍ରଶାସନ । ଜିଲ୍ଲାରେ ସ୍ବାସ୍ଥ୍ୟ ବିଭାଗ ଓ ଜଙ୍ଗଲ ବିଭାଗ ମିଳିତ ଭାବେ ମ୍ୟାଲେରିଆ ନିରାକରଣର ଏହି ନୂତନ ଯୋଜନା ଆପଣାଇଛନ୍ତି ।
ମ୍ୟାଲେରିଆ ନିରାକରଣ ପାଇଁ ବୌଦ୍ଧ ପ୍ରଶାସନର ଗାମ୍ବୁଶିଆ ମାଛ ଚାଷ
ଏହି ଯୋଜନା ମୁତାବକ ରାଜ୍ୟର ପ୍ରଥମ ଜିଲ୍ଲା ଭାବେ ଜିଲ୍ଲାର ମାଧପୁର ରେଞ୍ଜ ମୁଣ୍ଡେଶ୍ବର ସଂରକ୍ଷିତ ଜଙ୍ଗଲରେ ଥିବା ପୋଖରୀରେ ମ୍ୟାଲେରିଆ ମଶାକୁ ସମୂଳେ ନଷ୍ଟ କରୁଥିବା ଗାମ୍ବୁଶିଆ ମାଛ ଛଡାଯାଇଛି । ସୂଚନା ଥାଉକି, ଏହି ମାଛ ମଶାର ଲାଭାକୁ ଖାଇଯାଇଥାଏ । ଏହି ଜଙ୍ଗଲରେ ମ୍ୟାଲେରିଆ ମଶା ବଂଶ ବୃଦ୍ଧି କରୁଥିବାରୁ ଏହାକୁ ରୋକିବା ପାଇଁ ଏଭଳି ପ୍ରୟାସ କରାଯାଇଛି । ଆଗାମୀ ଦିନରେ ଏହାକୁ ଜିଲ୍ଲା ବ୍ୟାପୀ କରାଯିବ ବୋଲି ଜଣାପଡିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
