ବୌଦ୍ଧ : ଗ୍ୟାସଟାଙ୍କିରୁ ଲାଗିଲା ନିଆଁ, ସର୍ବସାନ୍ତ ହୋଇଗଲା ଗୋଟିଏ ପରିବାର । ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଛି । ପିନ୍ଧିଥିବା ଲୁଗା ଖଣ୍ଡିକ ଛାଡିଦେଲେ ଆଉ କିଛି ବର୍ତ୍ତି ପାରିଲାନି ନିଆଁ ଦାଉରୁ । ବୌଦ୍ଧ ସହରର ବସଷ୍ଟାଣ୍ଡ ସମ୍ମୁଖରେ ଥିବା ଘରେ ଅଗ୍ନିକାଣ୍ତ ଘଟିଥିଲା । ସୂଚନା ମୁତାବକ ମଙ୍ଗଳବାର ସେହି ଘରର ପରିବାର ଲୋକେ ରୋଷେଇ କରୁଥିବା ସମୟରେ ଗ୍ୟାସଟାଙ୍କିରୁ ହଠାତ ନିଆଁ ଲାଗି ଯାଇଥିଲା । ଫଳରେ ଏହି ନିଆଁ ପୁରା ଘରକୁ ବ୍ୟାପି ଯାଇଥିଲା ।
ଗ୍ୟାସଟାଙ୍କିରୁ ଲାଗିଲା ନିଆଁ , ସର୍ବସାନ୍ତ ହୋଇଗଲା ଗୋଟିଏ ପରିବାର
ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କଲା ବେଳକୁ ସବୁ କିଛି ଜଳିପୋଡି ଯାଇଥିଲା । ନିଆଁ ଲାଗି ଘର ଭସ୍ମୀଭୂତ ହୋଇ ଯାଇଥିବାରୁ ଖୋଲା ଆକାଶ ତଳେ ରହିଛନ୍ତି ପୁରା ପରିବାର । ତୁରନ୍ତ ଏହି ଅସହାୟ ପରିବାରକୁ ସରକାରୀ ସହାୟତା ଯୋଗାଇଦେବାକୁ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
