ବୌଦ୍ଧ: ଉଦଯାପିତ ହେଲା ଓଡିଶା ପ୍ରସିଦ୍ଧ ଆଧ୍ୟାତ୍ମିକ ମଞ୍ଚ ନାଟକ ଧନୁଯାତ୍ରା । 7 ଦିନ ଧରି ଚାଲିଥିବା ଏହି ନାଟକର ଅନ୍ତିମ ସନ୍ଧ୍ୟାର ମୁଖ୍ୟ ଆକର୍ଷଣ ଥିଲେ ବର୍ଷୀୟାନ ଅଭିନେତା ଅଟଳ ବିହାରୀ ପଣ୍ଡା । ଜିଲ୍ଲାର ପ୍ରସିଦ୍ଧ ଧନୁଯାତ୍ରା ଓ କଂସବଦ୍ଧ ଯାତ୍ରା ଉଦଯାପିତ ହୋଇଛି ।
ଗତ 10 ତାରିଖରୁ ଆରମ୍ଭ ହୋଇଥିବା ଏହି ମଞ୍ଚ ନାଟକକୁ ଦେଖିବାକୁ ଜିଲ୍ଲା ତଥା ଜିଲ୍ଲା ବାହାରୁ ହଜାର ହଜାର ସଂଖ୍ୟାରେ ଦର୍ଶକ ସ୍ଥାନୀୟ ଛାପାଖାନା ପଡିଆରେ ପହଞ୍ଚିଥିଲେ । ଚଳିତ ବର୍ଷ ରାଜ୍ୟ ସରକାର ପ୍ରସିଦ୍ଧ ଯାତ୍ରା ଭାବରେ ବୌଦ୍ଧ ଧନୁଯାତ୍ରାକୁ ମାନ୍ୟତା ପ୍ରଦାନ କରିଥିଲେ ।
ପ୍ରାଚୀନ ମଞ୍ଚ ନାଟକକୁ ଉଦ୍ଜୀବିତ ରଖିବାରେ ଏହି ଯାତ୍ରାର ମହତ୍ତ୍ବପୂର୍ଣ୍ଣ ଭୂମିକା ରହିଛି । ତେବେ ଉଦଯାପନୀ ଉତ୍ସବରେ କୃଷ୍ଣ, ବଳରାମ ଓ ମହାରାଜା କଂସଙ୍କ ନଗର ଭ୍ରମଣ ଅତି ଚିତ୍ତାକର୍ଷକ ଥିଲା । ଶେଷ ସନ୍ଧ୍ୟାର ମୁଖ୍ୟ ଅତିଥି ରୂପେ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଯୋଗ ଦେଇଥିବା ବେଳେ ଦର୍ଶକଙ୍କ ଆକର୍ଷଣର କେନ୍ଦ୍ର ବିନ୍ଦୁ ଥିଲେ ବର୍ଷୀୟାନ ଚଳଚ୍ଚିତ୍ର ଅଭିନେତା ଅଟଳ ବିହାରୀ ପଣ୍ଡା ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
