ବୌଦ୍ଧ: ଜିଲ୍ଲାର ଦୁଇ ନିର୍ବାଚନ ମଣ୍ଡଳୀର ୧୨ ଜଣ ପ୍ରାର୍ଥୀଙ୍କ ଭାଗ୍ୟ ସିଲ ହେଲା ଇଭିଏମରେ। ଏଠାରେ ମତଦାନ ହାର ୮୦ % ରହିଥିବା ବେଳେ ଶାନ୍ତି ଶୃଙ୍ଖଳାର ସହ ସମାପ୍ତ ହୋଇଥିଲା ନିର୍ବାଚନ । ବୌଦ୍ଧ ଓ କଣ୍ଟାମାଳ ଆସନରେ ସମୁଦାୟ ୪୧୧ ଗୋଟି ବୁଥରେ ବ୍ୟାପକ ସୁରକ୍ଷା ସହ ଅନ୍ୟାନ୍ୟ ଆନୁଷଙ୍ଗିକ ସୁବିଧା ପ୍ରଶାସନ ପକ୍ଷରୁ କରାଯାଇଥିଲା ।
ଭିଡିଓ ସୌଜନ୍ୟ; ପ୍ରତିନିଧି, ବୌଦ୍ଧ
ତେବେ ଇଭିଏମ ଓ ଭିଭିପ୍ୟାଟକୁ ବୌଦ୍ଧର ପଞ୍ଚାୟତ ମହାବିଦ୍ୟାଳୟରେ ଥିବା ଷ୍ଟ୍ରଙ୍ଗ ରୁମରେ ସୁରକ୍ଷିତ ରଖାଯାଇଛି । ମତଦାନ ସରିବା ପରେ ଇଭିଏମ ଓ ଭିଭିପ୍ୟାଟ ହସ୍ତାନ୍ତର କରିଥିଲେ ପୋଲିଂ କର୍ମଚାରୀ।
ଜିଲ୍ଲାପାଳ ସିତାଂଶୁ କୁମାର ରାଉତ ଓ ରିଟର୍ଣ୍ଣିଂ ଅଫିସର ଏନ ସି ଜ୍ୟୋତି ରଞ୍ଜନ ନାଏକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ୮୫ କଣ୍ଟାମାଳ ଆସନର ରୁମ ଓ ୮୬ ବୌଦ୍ଧ ଆସନର ରୁମକୁ ସିଲ କରାଯାଇଥିଲା ।
ବୌଦ୍ଧରୁ ସତ୍ୟ ନାରାୟଣ ପାଣି, ଈଟିଭି ଭାରତ
