ବୌଦ୍ଧ: ଇଟିଭି ଭାରତର ମହାପ୍ରଭାବ । ଖବର ପ୍ରସାରଣର 2 ଦିନ ପରେ ତତ୍ପରତା ଦେଖାଇଛି ଜିଲ୍ଲା ପ୍ରଶାସନ । ଅଣ୍ଟା ଭାଙ୍ଗିଯାଇଥିବା ନାବାଳିକା ଶ୍ରମିକ ଦଶମତୀର ଅଣ୍ଟା ସଳଖିବାକୁ ଘରେ ପହଞ୍ଚିଛନ୍ତି ତଦନ୍ତକାରୀ ଟିମ । ଖବର ଅନୁଯାୟୀ, ଗତ ଏକ ମାସ ତଳେ ଦୁଇ ମହଲା କୋଠାରୁ ପଡି ଅଣ୍ଟାରେ ଆଘାତ ପାଇଥିବା ନାବାଳିକା ଶ୍ରମିକ ଦଶମତୀ ଘରେ ଆଜି ଜିଲ୍ଲା ଶ୍ରମ ବିଭାଗ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଛନ୍ତି ।
ଗତ 7 ତାରିଖ ସଂଧ୍ୟାରେ ଇଟିଭି ଭାରତରେ ନାବାଳିକା ଶ୍ରମିକ ଦଶମତୀର ଦୁର୍ଘଟଣା ସମ୍ପର୍କରେ ଖବର ପ୍ରସାରଣ ହୋଇଥିଲା । ଏହାକୁ ଦେଖିବା ପରେ ବୌଦ୍ଧ ଜିଲ୍ଲା ପ୍ରଶାସନଙ୍କ ସହ ଖୋଦ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଘଟଣାକୁ ଗୁରୁତର ସହ ନେଇଛନ୍ତି । ମଙ୍ଗଳବାର ସକାଳୁ ଜିଲ୍ଲାଶ୍ରମ ବିଭାଗ ପକ୍ଷରୁ ଶ୍ରମ ଅଧିକାରୀ ଓ ଇନ୍ସପେକ୍ଟର ପ୍ରମୁଖ ପିଡୀତାଙ୍କ ଘରେ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଛନ୍ତି ।
ତଦନ୍ତକାରୀ ଅଧିକାରୀ ମାନେ ପୀଡିତାଙ୍କ ଘରେ ପହଞ୍ଚି ଉକ୍ତ ପରିବାରର ସମସ୍ତ ବିବରଣୀ ସଂଗ୍ରହ କରିଛନ୍ତି । ଏପରିକି ସରକାରଙ୍କ ବିଭିନ୍ନ ଯୋଜନାରେ କିଭଳି ପରିବାରକୁ ସାମିଲ କରାଯାଇପାରିବ ସେନେଇ ଚେଷ୍ଟା କରାଯିବ ବୋଲି ଶ୍ରମ ଅଧିକାରୀ ସୂଚନା ଦେଇଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
