ସୁବର୍ଣ୍ଣପୁର: ଜିଲ୍ଲା ମୁଖ୍ୟ ଚିକିତ୍ସାଳୟ ପକ୍ଷରୁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ପ୍ରଦାନ କରାଯାଇଛି ଆର୍ଥିକ ସହାୟତା। ବୁଧବାର ଜିଲ୍ଲା ମୁଖ୍ୟ ଚିକିତ୍ସାଧିକାରୀ ସରୋଜ କୁମାର ନାୟକଙ୍କ ନେତୃତ୍ବରେ ସ୍ବାସ୍ଥ୍ୟ କର୍ମଚାରୀ ଏହି ଅର୍ଥ ପ୍ରଦାନ କରିଛନ୍ତି । ଜିଲ୍ଲାପାଳଙ୍କୁ ସାକ୍ଷାତ କରି ଫନି ବିପନ୍ନଙ୍କ ପାଇଁ 4,14,414 ଟଙ୍କା ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ଚେକ ଆକାରରେ ପ୍ରଦାନ କରିଛନ୍ତି ।
ଜିଲ୍ଲାପାଳ ଦୈବୀ ଦୁର୍ବିପାକ ପରବର୍ତ୍ତି ପରିସ୍ଥିତିର ମୁକାବିଲା ପାଇଁ ସ୍ବାସ୍ଥ୍ୟ ବିଭାଗର ଗୁରୁତ୍ବପୂର୍ଣ୍ଣ କାର୍ଯ୍ୟ ଉପରେ ଆଲୋଚନା କରିଥିଲେ । ମାନବିକତାପୂର୍ଣ୍ଣ ସେବା ଓ ଚିକିତ୍ସା ପାଇଁ ସବୁ ସମୟରେ ସ୍ବାସ୍ଥ୍ୟ କର୍ମଚାରୀମାନେ ସମାଜ ପ୍ରତି ଯତ୍ନଶୀଳ ବୋଲି ଜିଲ୍ଲାପାଳ ପ୍ରଶଂସା କରିଥିଲେ ।
ତରଭା ବ୍ଳକର କର୍ମଚାରୀ ବି ଗୋଟିଏ ଦିନର ଦରମା ପ୍ରଦାନ କରିଥିବା ବେଳେ ସୁବର୍ଣ୍ଣପୁର ସହରର ପଟାଭାଡିର ବସ୍ତି ସୁରକ୍ଷା ମଞ୍ଚର ସ୍ବେଛାସେବୀ ମହିଳା ଫନି ପୀଡିତଙ୍କୁ ଦୈନନ୍ଦିନ ଜୀବନ ଯାପନ ପାଇଁ ଆବଶ୍ୟକ ଖାଦ୍ୟ ଓ ବସ୍ତ୍ର ସହିତ ସହାୟତା ରାଶି ପ୍ରଦାନ କରିଥିଲେ ।
ସେହିପରି ସହରର ସ୍ବେଛାସେବୀ ଅନୁଷ୍ଠାନ 'ପଢାଘର' ପକ୍ଷରୁ ବି ଫନି ପୀଡିତ ଛାତ୍ରଛାତ୍ରୀଙ୍କୁ 500 ସ୍କୁଲ କିଟ୍ ପ୍ରଦାନ କରିଥିଲେ ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
