ବୌଦ୍ଧ: ମରିଗଲା ମାନବିକତା । ଏକ ରାସ୍ତା ଦୁର୍ଘଟଣାରେ ଗୁରୁତର ଆହତ ଗୋରୁକୁ ଉଦ୍ଧାର ପାଇଁ ନା ଆସିଲେ ଅଗ୍ନିଶମ ବିଭାଗ, ନା ଆସିଲେ ପ୍ରାଣୀ ଚିକିତ୍ସକ ।
ଶନିବାର ରାତିରେ ବୌଦ୍ଧ ସହର ମଝିରେ ପିକ ଅପ ଭ୍ୟାନ ଧକ୍କାରେ ଏକ ଗାଇ ଗୁରୁତର ଆହତ ହୋଇ ରାସ୍ତା ମଝିରେ ଦୀର୍ଘ ଦୁଇ ଘଣ୍ଟା ଧରି ପଡି ରହିଥିଲା । ଇତି ମଧ୍ୟରେ କିଛି ସ୍ବେଚ୍ଛାସେବୀ ଉକ୍ତ ଦୁର୍ଘଟଣା ସ୍ଥଳରେ ପହଞ୍ଚି ଅଗ୍ନିଶମ ବିଭାଗଙ୍କୁ ଗୁହାରି କରିଥିଲେ ମଧ୍ୟ କେହି ଆସିନଥିଲେ ।
ମରିଗଲା ମାନବିକତା, 2 ଘଣ୍ଟା ଧରି ରାସ୍ତାରେ ଛଟପଟ ହେଲା ଆହତ ଗାଈ
ଦୁର୍ଘଟଣା ଅଞ୍ଚଳରେ ପ୍ରାୟ ଚାରିଜଣ ଏଲଆଇ(ଲାଇଫ ଷ୍ଟକ ଇନିସପେକ୍ଟର) ରୁହନ୍ତି । କିନ୍ତୁ ବାରମ୍ବାର ସେମାନଙ୍କୁ ଯୋଗାଯୋଗ ସତ୍ତ୍ବେ ବି କେହି ଜଣେ ଘଟଣାସ୍ଥଳକୁ ଆସି ନଥିଲେ । ଶେଷରେ ଦୀର୍ଘ ଦୁଇ ଘଣ୍ଟା ପରେ ଦେବଗଡରୁ ଜଣେ ଚିକିତ୍ସକ ଆସି ମୋବାଇଲ ଲାଇଟରେ ଗାଈର ଚିକିତ୍ସା କରିଥିଲେ ।
ବୌଦ୍ଧରୁ ସତ୍ୟ ନାରାୟଣ ପାଣି, ଈଟିଭି ଭାରତ
