ବୌଦ୍ଧ: କୋରୋନା କଟକଣା ଭାଙ୍ଗି ପୋଖରୀରେ ଶହ ଶହ ଲୋକ ମାଛମରା ଘଟଣାର ତଦନ୍ତ କରିବାକୁ ଯାଇ ସ୍ଥାନୀୟ ବିଡ଼ିଓ କାହାକୁ ନପାଇ ଶେଷରେ ଉକ୍ତ ଘଟଣାର ଭିଡିଓ ଉତ୍ତୋଳନ କରିଥିବା ଜଣେ ଗଣମାଧ୍ୟମ ପ୍ରତିନିଧିଙ୍କ କଥାକୁ ତାତ୍ସଲ୍ୟ କରିଥିବା ଅଭିଯୋଗ ।
କୋରୋନା କଟକଣାକୁ ଉଲ୍ଲଙ୍ଘନ କରି ପୋଖରୀରେ ଶହ ଶହ ଲୋକ ମାଛ ମାରିଲେ । ଆଉ ଏହାର ତଦନ୍ତ କରିବା ନାଁରେ ବିଡ଼ିଓଙ୍କ ସାମ୍ବାଦିକଙ୍କ ପ୍ରତି ଅଶାଳୀନ ମନ୍ତବ୍ୟର ପୁଣି ଏକ ଅଡିଓ ଭାଇରାଲ ହୋଇଛି । ଗତ ତିନି ଦିନ ପୂର୍ବରୁ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଉମା ପଞ୍ଚାୟତ ସଦର ମହକୁମାର ପୋଖରୀରେ କୋଭିଡ କଟକଣାକୁ ଉଲ୍ଲଙ୍ଘନ କରି ଶହ ଶହ ଏକାଠି ହୋଇ ମାଛ ମାରିଥିଲେ । ଯାହାର ଭିଡିଓ ଖୁବ ଭାଇରାଲ ହେବା ସହ ଗଣମାଧ୍ୟମରେ ଖବର ପ୍ରକାଶ ପାଇଥିଲା । ବୌଦ୍ଧ ଜିଲ୍ଲାପାଳ ଏହାର ତଦନ୍ତ ନିର୍ଦ୍ଦେଶ ଦେବାପରେ ଉମା ଗ୍ରାମରେ କଣ୍ଟାମାଳ ବିଡ଼ିଓ ପହଞ୍ଚି ଏହାର ତଦନ୍ତ ଆରମ୍ଭ କରିଥିଲେ ।
ତେବେ ସେଠାରେ କଣ୍ଟାମାଳ ବିଡ଼ିଓ କୌଣସି ସୁଫଳ ନପାଇବାରୁ ଶେଷରେ ଉକ୍ତ ଘଟଣାର ଭିଡିଓ ଉତ୍ତୋଳନ କରିଥିବା ଜଣେ ଗଣମାଧ୍ୟମ ପ୍ରତିନିଧିଙ୍କୁ ଫୋନ ଯୋଗେ ତାତ୍ସଲ୍ୟ କରିଥିବା ଅଭିଯୋଗ ହୋଇଛି । ଯାହାର ଏକ ଅଡିଓ ପୁଣି ଭାଇରାଲ ହେବାରେ ଲାଗିଛି । ଏନେଇ ଜିଲ୍ଲାର ବିଭିନ୍ନ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
