ବୌଦ୍ଧ: ଫ୍ଲୋରେନ୍ସ ନାଇଟିଙ୍ଗଲଙ୍କ 200ତମ ଜନ୍ମଦିବସରେ କୋରୋନା ଯୋଦ୍ଧାଙ୍କୁ ସମ୍ମାନ । ସ୍ବାସ୍ଥ୍ୟ ସେବାରେ ନିଜକୁ ଉତ୍ସର୍ଗ କରିଥିବା ଡାକ୍ତର ଓ ନର୍ସମାନଙ୍କ ସହିତ ସୁରକ୍ଷା ଦାୟିତ୍ବରେ ଥିବା ପୋଲିସ ବିଭାଗର ଭୂମିକା ଅତି ଗୁରୁତ୍ବପୂର୍ଣ୍ଣ । ଏଭଳି ସମୟରେ ବୌଦ୍ଧ ପୋଲିସ ଚଢ଼ାଉ କରି ଲକଡାଉନ ସମୟର ସର୍ବବୃହତ ଦେଶୀ ମଦ ପ୍ରସ୍ତୁତ ସାମଗ୍ରୀକୁ ନଷ୍ଟ କରିଛି ।
ଆନ୍ତର୍ଜାତୀୟ ନର୍ସ ଦିବସ ଅବସରରେ ବୌଦ୍ଧ କୋଭିଡ-19 ହେଲଥ ସେଣ୍ଟର ଓ କୋଭିଡ-19 କେୟାର ସେଣ୍ଟରରେ କାର୍ଯ୍ୟରତ ନର୍ସ ଓ ଡାକ୍ତରଙ୍କୁ ସମ୍ମାନିତ କରାଯାଇଛି । ଏଥିସହ ପତଞ୍ଜଳୀ ସମିତି ପକ୍ଷରୁ ସ୍ବତନ୍ତ୍ର ଭାବରେ ଏହି କୋରୋନା ଯୋଦ୍ଧାଙ୍କୁ ସମ୍ମାନିତ କରାଯାଇଥିଲା । ସେପଟେ ଲକଡାଉନ ସମୟରେ ବୌଦ୍ଧ ଜିଲ୍ଲାରେ ସ୍ବାସ୍ଥ୍ୟ ବିଭାଗ ଓ ପୋଲିସ ବିଭାଗର ଭୂମିକା ସାଉଣ୍ଟିଛି ଢେର ପ୍ରଶଂସା ।
ମଙ୍ଗଳବାର ବୌଦ୍ଧ ପୋଲିସ ଲକଡାଉନ ସମୟର ସର୍ବଧିକ ପରିମାଣର ଦେଶୀ ମଦ ପ୍ରସ୍ତୁତି ସାମଗ୍ରୀକୁ ନଷ୍ଟ କରିଥିବା ସୂଚନା ମିଳିଛି । ବୌଦ୍ଧ ଥାନା ଅନ୍ତର୍ଗତ ମଥୁରା ପଞ୍ଚାୟତର କୋଡାସାହି ନିକଟରେ ଏକ ବିସ୍ତୀର୍ଣ୍ଣ ପରିତ୍ୟକ୍ତ ସ୍ଥାନରେ ଚଢ଼ାଉ କରାଯାଇ 10 କ୍ବିଣ୍ଟାଲରୁ ଊର୍ଦ୍ଧ୍ବ ମହୁଲ ପୋଚ ସହିତ ଅନ୍ୟାନ୍ୟ ସାମଗ୍ରୀକୁ ନଷ୍ଟ କରିଛି ପୋଲିସ । ଉଭୟ ସ୍ବାସ୍ଥ୍ୟ ବିଭାଗ ଓ ପୋଲିସ ବିଭାଗର ଲକଡାଉନ ସମୟର କାର୍ଯ୍ୟ ଏବେ ସ୍ଥାନୀୟ ଲୋକଙ୍କଠାରୁ ସାଉଁଣ୍ଟିଛି ଢେର ପ୍ରଶଂସା ଓ ପାଲଟିଛି ସଭିଙ୍କ ପ୍ରିୟପାତ୍ର ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
