ବୌଦ୍ଧ: ନୂଆବର୍ଷରେ ଶୁଭେଚ୍ଛା ଜଣାଇଲେ ଜିଲ୍ଲାପାଳ ଲଲାଟେନ୍ଦୁ ମିଶ୍ର । ଏହିବର୍ଷ ସମଗ୍ର ଜିଲ୍ଲାବାସୀଙ୍କ ପାଇଁ ସୁଖ ଓ ସମୃଦ୍ଧିର ବର୍ଷ ହେଉ ବୋଲି କାମନା କରିଛନ୍ତି ଜିଲ୍ଲାପାଳ ।
ବିଦାୟ ନେଲା ଦୁଃଖ, ଦୁର୍ଦ୍ଦିନ ଓ ମହାମାରୀର ବର୍ଷ 2020 । ଅନେକ ଅସୁମାରୀ ସ୍ବପ୍ନ ନେଇ ପ୍ରବେଶ କରିଛି ନୂତନ ବର୍ଷ 2021 । ବୌଦ୍ଧ ଜିଲ୍ଲାର କୋଣ ଅନୁକୋଣରେ ସ୍ବାଗତ କରାଯାଇଛି ଏହି ନୂଆବର୍ଷକୁ । ସରକାର ଗୁରୁବାର ରାତି 10ଟା ରୁ ସକାଳ 5 ଟା ପର୍ଯ୍ୟନ୍ତ ଘୋଷଣା କରିଥିବା କର୍ଫ୍ୟୁ ପରେ ଶୁକ୍ରବାର ସକାଳୁ ସକାଳୁ ମନ୍ଦିରରେ ଶ୍ରଦ୍ଧାଳୁଙ୍କ ଭିଡ ଜମିଥିଲା ।
ଜିଲ୍ଲାବାସୀଙ୍କୁ ନବବର୍ଷର ଶୁଭେଚ୍ଛା ଜଣାଇଲେ ବୌଦ୍ଧ ଜିଲ୍ଲାପାଳ
ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ ବିଭିନ୍ନ ସ୍ଥାନରେ ପୁଷ୍ପଗୁଚ୍ଛ ଓ ମିଷ୍ଟାନ୍ନ ବଣ୍ଟନ କରାଯାଇ ନୂଆବର୍ଷକୁ ନିରାଡମ୍ବର ଭାବେ ସ୍ବାଗତ କରାଯାଇଥିଲା । ସେହିପରି ନୂଆବର୍ଷ ଜିଲ୍ଲାବାସୀଙ୍କ ପାଇଁ ସୁଖ ସମୃଦ୍ଧିର ବର୍ଷ ହେଉ ବୋଲି କାମନା କରିଛନ୍ତି ଜିଲ୍ଲାପାଳ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
