ବୌଦ୍ଧ: ବିଶ୍ବକର୍ମା ପୂଜା ଅବରସରେ ଗାଧୋଇବାକୁ ଯାଇ ସଡକ ଦୁର୍ଘଟଣାରେ ମୃତ୍ୟୁ । ବୁଧବାର ଜିଲ୍ଲାରେ ତିନୋଟି ପୃଥକ ସଡକ ଦୁର୍ଘଟଣାରେ 2ଜଣଙ୍କ ମୃତ୍ୟୁ ହୋଇଥିବା ବେଳେ 4ଜଣ ଆହତ ହୋଇଛନ୍ତି ।
ପ୍ରତ୍ୟେକ ଦିନ ସଡକ ଦୁର୍ଘଟଣାରେ ଧନଜୀବନ କ୍ଷୟ କ୍ଷତି ହେଉଥିବା ବେଳେ ଡେଥ ଜୋନ ହୋଇଛି ସଡକ । ଗତ ମଙ୍ଗଳବାର ତିନୋଟି ପୃଥକ ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବା ବେଳେ ବୁଧବାର ସେହିପରି ତିନୋଟି ପୃଥକ ସଡକ ଦୁର୍ଘଟଣାରେ 2ଜଣଙ୍କ ମୃତ୍ୟୁ ହେବା ସହ 4 ଜଣ ଆହତ ହୋଇଛନ୍ତି ।
ସୂଚନାମୁତାବକ, ବୁଧବାର ବିଶ୍ବକର୍ମା ଅବସରରେ ଠାକୁର ଦର୍ଶନ ପାଇଁ ପ୍ରସ୍ତୁତ ହେବାକୁ ମହାନଦୀକୁ ଗାଧେଇବାକୁ 2 ସାଙ୍ଗ ସ୍କୁଟିରେ ଯାଉଥିବା ବେଳେ ହରଭଙ୍ଗା ପଞ୍ଚାୟତ କାର୍ଯ୍ୟାଳୟ ନିକଟରେ ଘଟିଥିଲା ସଡକ ଦୁର୍ଘଟଣା । ତଳଗାଁ ପଞ୍ଚାୟତର ଜଣେ ନାବାଳକ ଏକ ବାଇକରେ ଆସି ହଠାତ ବାଡେଇ ହେବାରୁ ଘଟଣାସ୍ଥଳରେ ନାବାଳକର ମୃତ୍ୟୁ ହୋଇଥିଲା । ଗୁରୁତର ଅବସ୍ଥାରେ ସ୍କୁଟିରେ ବସିଥିବା ଦୁଇ ସାଙ୍ଗକୁ ଉଦ୍ଧାର କରି ପୁରୁଣାକଟକ ଡାକ୍ତରଖାନା ଅଣାଯାଉଥିବା ସମୟରେ ସ୍କୁଟି ଚାଳକଙ୍କ ହୋଇଥିଲେ । ସ୍କୁଟି ପଛରେ ବସିଥିବା ଦିବ୍ୟାଙ୍ଗ ଯୁବକକୁ ଗୁରୁତର ଅବସ୍ଥାରେ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଛି ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
