ଭୁବନେଶ୍ୱରରୁ ସୁସ୍ଥ ହୋଇ ବୌଦ୍ଧ ଫେରିଲେ 3 ଜଣ ଆକ୍ରାନ୍ତ

ବୌଦ୍ଧ ଜିଲ୍ଲାର 33 କୋରୋନା ପଜିଟିଭ ମଧ୍ୟରୁ 3 ଜଣ ଆକ୍ରାନ୍ତ ସୁସ୍ଥ ହୋଇ ଫେରିଛନ୍ତି ।

ବୌଦ୍ଧ: ଜିଲ୍ଲାର 33 କୋରୋନା ପଜିଟିଭ ମଧ୍ୟରୁ 3 ଜଣ ଆକ୍ରାନ୍ତ ସୁସ୍ଥ ହୋଇ ଫେରିଛନ୍ତି । ସେପଟେ ଜଣେ ନର୍ସଙ୍କ ଇସ୍ତଫା ଯୋଗୁଁ ସୃଷ୍ଟି ହୋଇଥିବା ବିଭିନ୍ନ କଳ୍ପନା ଜଳ୍ପନାର ଅନ୍ତ କରିଛନ୍ତି ସିଡିଏମଓ ।

ବୌଦ୍ଧ ଜିଲ୍ଲାକୁ ବିଭିନ୍ନ ରାଜ୍ୟରୁ ପ୍ରବାସୀ ଶ୍ରମିକଙ୍କ ଘର ବାହୁଡା ଚାଲିବା ସହ ସେମାନଙ୍କୁ ବିଭିନ୍ନ ସ୍ଥାନରେ ନିର୍ମିତ ଅସ୍ଥାୟୀ ସ୍ବାସ୍ଥ୍ୟ କେନ୍ଦ୍ରରେ କ୍ବାରେନଣ୍ଟାଇନରେ ରଖାଯାଉଛି । ଆଜି ପର୍ଯ୍ୟନ୍ତ ଜିଲ୍ଲାରେ ସର୍ବମୋଟ 33ଟି ପଜିଟିଭ ରିପୋର୍ଟ ଚିହ୍ନଟ ହୋଇଥିବା ବେଳେ ତନ୍ମଧ୍ୟରୁ ଭୁବନେଶ୍ୱର ସମ୍‌ ଡାକ୍ତରଖାନାରେ ଚିକିତ୍ସିତ 5 ଜଣ ଆକ୍ରାନ୍ତଙ୍କ ମଧ୍ୟରୁ ତିନି ଜଣ ସୁସ୍ଥ ହୋଇ ଫେରି ଆସିଛନ୍ତି । ସେପଟେ ବୌଦ୍ଧ ସ୍ଥିତ କୋଭିଡ ହେଲଥ ସେଣ୍ଟରରୁ ଜଣେ ନର୍ସ ଇସ୍ତଫା ଦେବାକୁ ନେଇ ବିଭିନ୍ନ କଳ୍ପନା ଜଳ୍ପନା ପ୍ରକାଶ ପାଇଥିଲା । ଯାହାକୁ ସିଡିଏମଓ ଖଣ୍ଡନ କରିବା ସହ ଏହା ସମ୍ପୃକ୍ତ ନର୍ସଙ୍କ ବ୍ୟକ୍ତିଗତ ନିଷ୍ପତ୍ତି ବୋଲି ସେ ସୂଚନା ଦେଇଛନ୍ତି । ସେହିପରି ଲକଡାଉନ ନିୟମ ଉଲ୍ଲଂଘନକାରୀ ବ୍ୟବସାୟୀଙ୍କ ଉପରେ ବୌଦ୍ଧ ପୋଲିସ କଡା ନଜର ରଖିଛି ।ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ