ବୌଦ୍ଧ: ଜିଲ୍ଲାରେ ଆଉ 2 ଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି। ଏହି 2 ଜଣଙ୍କୁ ମିଶାଇ ଜିଲ୍ଲାରେ ସମୁଦାୟ ପଜିଟିଭ ସଂଖ୍ୟା 40ରେ ପହଞ୍ଚିଛି । ଏହି ଦୁଇ ଆକ୍ରାନ୍ତ ମନମୁଣ୍ଡା ସଙ୍ଗରୋଧ କେନ୍ଦ୍ରରେ ଥିବା ସୂଚନା ମିଳିଛି ।
ସଂକ୍ରମିତଙ୍କ ସହ କାମ କରି ଗାଁରୁ ବାସନ୍ଦ ହେଲେ 2 ଯୁବକ
ସେପଟେ ଖୁଣ୍ଟବନ୍ଧ ପଞ୍ଚାୟତ ଅନ୍ତର୍ଗତ ମର୍ଜାଦପୁର ଗ୍ରାମର ଜଣେ ଯୁବକ ମହାନଦୀ ଅପର ପାର୍ଶ୍ଵରେ ଥିବା କୁମ୍ଭୀଆ ମେଗା ପ୍ରୋଜେକ୍ଟରେ କାମ କରୁଥିବା ସମୟରେ ପଜିଟିଭ ଚିହ୍ନଟ ହେବା ପରେ ଗାଁର ଆଉ ଦୁଇ ଜଣ ସାଥି କର୍ମଚାରୀଙ୍କୁ ଗାଁରେ ରଖିବାକୁ ମନାକରିଛନ୍ତି ଗ୍ରାମବାସୀ ।
ଏପରିକି ପଞ୍ଚାୟତ ଟିଏମସିରେ ମଧ୍ୟ ନ ରଖିବାରୁ ଉକ୍ତ ଦୁଇ ଯୁବକ ସାଇକେଲ ଯୋଗେ ବୌଦ୍ଧ ଚାଲିଆସି ପଞ୍ଚାୟତ ମହାବିଦ୍ୟାଳୟରେ ହୋଇଥିବା ସଙ୍ଗରୋଧ କେନ୍ଦ୍ରରେ ରହିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
