ଭଦ୍ରକ : କରୋନା କଟକଣା ନିୟମ ଉଲ୍ଲଙ୍ଘନ କରି ଦୋକାନୀ ଗଣିଲେ ମୋଟା ଅଙ୍କର ତଣ୍ଡ । ଲକଡାଉନ ସମୟରେ ଦୋକାନ ଖୋଲିଥିବାରୁ ଦୋକାନୀଙ୍କ ଉପରେ 20 ହଜାର ଟଙ୍କାର ଜୋରିମାନା ଲଗାଇଛି ସ୍ଥାନୀୟ ପୋଲିସ ପ୍ରଶାସନ । ଏହାସହ ଦୋକାନକୁ ମଧ୍ୟ ଦୁଇ ଦିନ ପାଇଁ ସିଲ କରାଯାଇଛି ।
ଲକଡାଉନରେ ଦୋକାନ ଖୋଲି ତଣ୍ଡ ଗଣିଲେ ଦୋକାନୀ
ସୂଚନା ଅନୁଯାୟୀ, ଧାମନଗର ଥାନା ବାରିକପୁର ବଜାରରେ ଦିନ 12 ଟା ପରେ ଲକଡାଉନ କଟକଣା ଜାରି ହୋଇଥିଲେ ମଧ୍ୟ ଦୋକାନୀ ଜଣଙ୍କ ଦୋକାନ ଖୋଲି ବେପାର କରୁଥିଲେ । ଏହି ଖବର ଭଦ୍ରକ ଏସପିଙ୍କ ନଜରକୁ ଆସିବା ପରେ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ ଦେଇଥିଲେ ଏସପି ଚରଣ ସିଂ ମିନା । ଏସପିଙ୍କ ନିର୍ଦ୍ଦେଶ କ୍ରମେ ଧାମନଗର ଥାନା ଅଧିକାରୀ ସେଠାରେ ପହଞ୍ଚି ଦୋକାନୀଙ୍କ ପାଖରୁ 20000 ଟଙ୍କା ଜୋରିମାନା ଲଗାଇବା ସହ 2 ଦିନ ପର୍ଯ୍ୟନ୍ତ ଦୋକାନକୁ ସିଲ କରିଥିବା ସୂଚନା ରହିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
