ଭଦ୍ରକ: ଚାନ୍ଦବାଲିରେ ବିଭିନ୍ନ ଦୋକାନରେ ଚଢାଉ କଲା ଯୋଗାଣ ବିଭାଗ । ବାତ୍ୟା ବୁଲ୍ବୁଲ୍ ପରେ ଚାନ୍ଦବାଲିରେ ଦରଦାମ୍ ବୃଦ୍ଧିକୁ ରୋକିବା ପାଇଁ ଶନିବାର ଯୋଗାଣ ବିଭାଗ ଓ ପ୍ରଶାସନପକ୍ଷରୁ ବିଭିନ୍ନ ଦୋକାନରେ ଚଢାଉ କରାଯାଇଛି ।
ସୂଚନା ଅନୁୟାୟୀ, ବାତ୍ୟା ପରେ ଚାନ୍ଦବାଲି ବ୍ଲକରେ ଦରଦାମ ବୃଦ୍ଧି ନେଇ ଲୋକମାନେ ପ୍ରଶାସନକୁ ଅଭିଯୋଗ କରିଥିଲେ । ମୁଖ୍ୟତଃ ଆଳୁ ଓ ପିଆଜକୁ ନେଇ ବାତ୍ୟାପରେ କିଛି ଅସାଧୁ ବେପାରୀ ଚଢା ରେଟରେ ବିକ୍ର କରିଥିବା ଅଭିଯୋଗ ହୋଇଥିଲା । ଏହାପରେ ଜିଲ୍ଲା ପ୍ରଶାସନର ନିର୍ଦ୍ଦେଶକ୍ରମେ ଯୋଗାଣ ବିଭାଗର ଅଧିକାରୀ ଓ ପ୍ରଶାସନପକ୍ଷରୁ ଅତିରିକ୍ତ ତହସିଲଦାର ଚାନ୍ଦବାଲିର ଅଧିକାଂଶ ହୋଲସେଲ ଓ ରିଟେଲର ଦେକାନରେ ଛାପା ମାରିଛନ୍ତି ।
ଚଢାଉବେଳେ ନିତ୍ୟ ବ୍ୟବହାର ଖାଉଟି ସାମଗ୍ରୀ ଗୁଡିକର ଦରଦାମ ବୃଦ୍ଧି ରୋକିବାକୁ ଏବଂ ପ୍ରତି ସାମଗ୍ରୀରେ ଦରଦାମ ଚାର୍ଟ ଲାଗାଇବା ପାଇଁ ଅବକାରୀବିଭାଗ ଦୋକାନୀଙ୍କୁ ପରାମର୍ଶ ଦେଇଥିଲେ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
