ଭଦ୍ରକ: ଜିଲ୍ଲା ତିହିଡି ଆଇସିଡିସି କାର୍ଯ୍ୟାଳୟ ପରିସରରେ ସୁପରଭାଇଜରଙ୍କ କାର୍ଯ୍ୟବନ୍ଦ ଆନ୍ଦୋଳନ ।
ଖବର ଅନୁଯାୟୀ, ସପ୍ତମ ବେତନ କମିଶନରଙ୍କ ପକ୍ଷରୁ ଆସିଥିବା 40 ପ୍ରତିଶତ ବକେୟା ପାଉଣା ଆସିଥିଲେ ମଧ୍ୟ ଏହା ସେମାନେ ପାଇନଥିବାବେଳେ 2019 ଅକ୍ଟୋବର ମାସରୁ ସେମାନଙ୍କୁ ଦରମା ମିଳି ନଥିବା ଜଣାପଡ଼ିଛି ।
ସୁପରଭାଇଜରଙ୍କ କାର୍ଯ୍ୟବନ୍ଦ ଆନ୍ଦୋଳନ
ଏନେଇ ଉପରିସ୍ଥ ଅଧିକାରୀଙ୍କୁ ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିପାରିନାହିଁ । ତେଣୁ ବାଧ୍ୟ ହୋଇ ସେମାନେ କାର୍ଯ୍ୟବନ୍ଦ ଆନ୍ଦୋଳନ କରିଥିବା ସୂଚନା ମିଳିଛି ।
ସିଡିପିଓ ଇନ୍ଦୁରେଖା ନାୟକ ସେମାନଙ୍କୁ ବୁଝାସୁଝା କରିଥିଲେ ମଧ୍ୟ କାର୍ଯ୍ୟ ବନ୍ଦ ଆନ୍ଦୋଳନ ଜାରି ରହିଥିବା ସୂଚନା ମିଳିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
