ଭଦ୍ରକ: ଭଦ୍ରକ ସ୍ବୟଂଶାସିତ ମହାବିଦ୍ୟାଳୟ ପରିସରରେ ଛାତ୍ର ଅଶାନ୍ତି ଦେଖାଯାଇଛି । +3 ଦ୍ବିତୀୟ ବର୍ଷ ସମସ୍ତ ବିଭାଗର ଅଧିକାଂଶ ଛାତ୍ରଛାତ୍ରୀ ମାନଙ୍କ ଦ୍ଵିତୀୟ ସେମିଷ୍ଟାର ପରୀକ୍ଷାରେ ଵ୍ୟାକ ଲାଗିଥିବା ନେଇ ଉତ୍ତେଜନା ଲାଗିରହିଛି । କଲେଜ ମୁଖ୍ୟ ଫାଟକ ତାଲା ପକାଇ ଛାତ୍ରଛାତ୍ରୀ ବିକ୍ଷୋଭ କରିଛନ୍ତି ।
କୋରୋନା ସମୟରେ ଦ୍ଵିତୀୟ ସେମିଷ୍ଟାର ପରୀକ୍ଷା ହୋଇନଥିବା ବେଳେ କିପରି ବ୍ୟାକ ଲାଗିଲା ତାହାକୁ କେନ୍ଦ୍ରକରି ଅଶାନ୍ତି ଦେଖା ଦେଇଛି । ଗତକାଲି ଦ୍ଵିତୀୟ ସେମିଷ୍ଟାର ପରୀକ୍ଷାର ଫଳାଫଳ ବାହାରିଥିଲା । ଏଥିରେ ଅଧିକାଂଶ ଛାତ୍ରଛାତ୍ରୀଙ୍କ ବ୍ୟାକ ରହିଥିଲା । ତାକୁ ନେଇ ଉତ୍ତେଜନା ଦେଖାଦେଇଛି । ଯେଉଁ ଛାତ୍ରଛାତ୍ରୀ ମାନଙ୍କ ପ୍ରଥମ ସେମିଷ୍ଟାର ବ୍ୟାକ ଥିଲା ତାଙ୍କର ଦ୍ଵିତୀୟ ସେମିଷ୍ଟାର ଵ୍ୟାକ ରଖାଯାଇଛି ବୋଲି ଛାତ୍ରାଛାତ୍ରୀମାନେ ଅଭିଯୋଗ କରିଛନ୍ତି । ଅନ୍ୟପଟେ ଅଧ୍ୟକ୍ଷ କହିଛନ୍ତି ସରକାରୀ ନିୟମାନୁସାରେ ସମସ୍ତ କାର୍ଯ୍ୟ କରାଯାଇଛି । ତେବେ ଛାତ୍ର ଅଶାନ୍ତି ଦେଖି ପଦକ୍ଷେପ ନିଆଯିବ ।
ଭଦ୍ରକରୁ ଦେବାଶିଷ ମହାପାତ୍ର , ଇଟିଭି ଭାରତ
