ଭଦ୍ରକ: ଓଡ଼ିଶାର ବଡ଼ ପର୍ବ ରଜ। ହେଲେ କୋରନା କାଳରେ ଏଥିରେ ଲାଗିଛି କଟକଣା। ଏନେଇ ସୂଚନା ଦେଇଛନ୍ତି ଭଦ୍ରକ ଜିଲ୍ଲାପାଳ ଜ୍ଞାନ ଦାସ । ଏଥିସହ ଜୁନ 30 ତାରିଖ ମଧ୍ୟରେ ସମସ୍ତ ଉତ୍ସବ ପାଳନ ଉପରେ ମଧ୍ୟ କଟକଣା ଜାରି କରାଯାଇଛି।
ରଜ ପର୍ବ ପାଳନରେ ଲଗିଲା କଟକଣା
ରଜ ମଉଜକୁ ଫିକା କରି ଦେଇଛି କୋରୋନା । ପର୍ବ ପାଳନ ବେଳେ ଭିଡ଼ ଉପରେ କଟକଣା ରହିଥିବା ବେଳେ । ସମସ୍ତ ସ୍ଥାନରେ ସାମାଜିକ ଦୂରତ୍ବ ରକ୍ଷା କରିବା ବାଧ୍ୟତାମୂଳକ କରାଯାଇଛି । ଏଥିସହ ଯଦି କୌଣସି ଦୋକାନୀ ସାମାଜିକ ଦୂରତା ନିୟମ ଉଲଙ୍ଘନ କରନ୍ତି, ତେବେ 15 ଦିନ ପର୍ଯ୍ୟନ୍ତ ସେହି ଦୋକାନ ଗୁଡିକ ସିଲ୍ କରିଦିଆଯିବ ବୋଲି କହିଛନ୍ତି ଜିଲ୍ଲାପାଳ । ତେବେ ଚଳିତ ବର୍ଷ ରଜ ପର୍ବକୁ ସର୍ବସାଧାରଣ ସ୍ଥାନରେ ପାଳନ ନକରି, ଘରେ ରହି ପରିବାର ଓ ବନ୍ଧୁ ବାନ୍ଧବଙ୍କ ସହ ପାଳନ କରିବା ପାଇଁ ଜିଲ୍ଲାପାଳ ଅନୁରୋଧ କରିଛନ୍ତି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
