ଭଦ୍ରକ: ମଦ ମୃତ୍ୟୁକୁ ନେଇ ତାତିଲେ ଲୋକେ । ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ଅନ୍ତର୍ଗତ ପାରାପୋଖରୀ ଗ୍ରାମରେ ଜଣକର ମଦ ପିଇ ମୃତ୍ୟୁ ହେବା ପରେ କ୍ଷତିପୂରଣ ଦାବିରେ ରାସ୍ତାରୋକ କରିଛନ୍ତି ସ୍ଥାନୀୟ ଲୋକେ । ଏହାସହ ମଦ ବେପାର ମଧ୍ୟ ବନ୍ଦ କରିବାକୁ ଦାବି କରାଯାଇଛି ।
ଭିଡିଓ ସୌଜନ୍ୟ:ସମ୍ବାଦଦାତା, ଭଦ୍ରକ
ମୃତକ ଜଣକ ହେଲେ ନାରାୟଣ ନାୟକ । ରବିବାର ନାରାୟଣ ଗାଁରେ ବିକ୍ରି ହେଉଥିବା ମଦ ପିଇବାର କିଛି ସମୟ ପରେ ଗୁରୁତର ହୋଇପଡିଥିଲେ। ତୁରନ୍ତ ତାଙ୍କୁ ମେଡିକାଲକୁ ନିଆଯାଇଥିଲେ ହେଁ ସଂନ୍ଧ୍ୟାରେ ତାଙ୍କର ମୃତ୍ୟୁ ଘଟିଥିଲା। ଏହି ଖବର ପ୍ରଚାରିତ ହେବା ପରେ ସ୍ଥାନୀୟଲୋକେ ମୃତକଙ୍କ ପରିବାରକୁ କ୍ଷତିପୂରଣ ସହ ଗାଁରେ ବିକ୍ରି କରାଯାଉଥିବା ମଦ କାରବାରକୁ ବନ୍ଦ କରିବା ଦାବିରେ ରାସ୍ତାରୋକ କରିଛନ୍ତି। ଦାବି ପୂରଣ ନହେବା ପର୍ଯ୍ୟନ୍ତ ରାସ୍ତାରୋକ ଜାରି ରହିବ ବୋଲି ଆନ୍ଦୋଳନକାରୀମାନେ କହିଛନ୍ତି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
