ଭଦ୍ରକ: ଆରଟିଓ ଅଫିସକୁ ଲାଇନସେନ୍ସ କରିବାକୁ ଯାଉଥିବାବେଳେ ଦୁର୍ଘଟଣା । ଟ୍ରକ ଚକା ତଳେ ଚାପି ହୋଇ ଜଣେ ମୃତ ଓ ଜଣେ ଆହତ । ଭଦ୍ରକ ଜିଲ୍ଲା ରାଜପଥର ରାଣୀତାଳ ଛକ ନିକଟ ଏହି ଦୁର୍ଘଟଣାଟି ଘଟିଛି । ମୃତ ବ୍ୟକ୍ତିଙ୍କ ପରିଚୟ ମିଳିପାରିନଥିବା ବେଳେ ଗୁରୁତର ଜଣକ କୁପାରି ବରପଦା ଅଞ୍ଚଳର ରମାକାନ୍ତ ଦାସ ବୋଲି ଜଣାପଡିଛନ୍ତି ।
ସୂଚନାଯୋଗ୍ୟ, ବାଲେଶ୍ବର ଜିଲ୍ଲା କୁପାରି ଅଞ୍ଚଳର 2ଜଣ ବ୍ୟକ୍ତି ଏକ ବାଇକ ଯୋଗେ ଭଦ୍ରକ ଆରଟିଓ ଅଫିସକୁ ଲାଇସେନ୍ସ ନେବା ପାଇଁ ଯାଉଥିଲେ । ହେଲେ ରାଣୀତାଲ ଛକ ନିକଟରେ ରାସ୍ତା ଅତିକ୍ରମ କରୁଥିବା ସମୟରେ ପଛପଟୁ ଏକ ଦ୍ରୁତ ଗତିରେ ଆସୁଥିବା ଏକ ଟ୍ରକ ତାଙ୍କ ଉପରେ ମାଡି ଯାଇଥିଲା । ଫଳରେ ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତରଙ୍କୁ ଅଗ୍ନିଶମ ବାହିନୀ ଦ୍ବାରା ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି । ସେପଟେ ଘଟଣାକୁ ସ୍ଥାନୀୟଲୋକଙ୍କ ଦ୍ବାରା ଉତ୍ତେଜନା ଦେଖାଦେଇଥିବାବେଳେ ପହଞ୍ଚି ପହଞ୍ଚି ମୃତ ଦେହକୁ ଜବତ କରିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
