ଭଦ୍ରକ: ବିବାହ ଭୋଜି ଖାଇ 20ରୁ ଅଧିକ ଅସୁସ୍ଥ । ଭଦ୍ରକ ବ୍ଲକ କଲେଇ ପଞ୍ଚାୟତ ଚୁନିଦା ଗ୍ରାମରେ ଘଟିଛି ଏପରି ଘଟଣା । ଅସୁସ୍ଥ 20ଜଣଙ୍କ ମଧ୍ୟରୁ 5ଜଣଙ୍କ ଅବସ୍ଥା ଗୁରୁତର ଥିବା ଜଣାପଡିଛି ।
ଭୋଜି ଖାଇ 20ରୁ ଉର୍ଦ୍ଧ୍ୱ ଅସୁସ୍ଥ
ସୂଚନାଅନୁସାରେ, ଚୁନିଦା ଗ୍ରାମରେ ଏକ ବିବାଘର ଭୋଜି ଆୟୋଜନ ହୋଇଥିଲା । ଗାଁ ଲୋକ ବିବାହ ଭୋଜି ଖାଇବାକୁ ଯାଇଥିଲେ । ଭୋଜି ଖାଇଥିବା ଲୋକଙ୍କ ମଧ୍ୟରୁ ହଠାତ୍ 20ଜଣଙ୍କ ଲୋକଙ୍କର ଅସ୍ବାଭାବିକ ଭାବରେ ପେଟ କାଟିବା ସହିତ ଝାଡା ଓ ବାନ୍ତି ହୋଇଥିଲା । ସେମାନେ ଅସୁସ୍ଥ ହୋଇପଡିଥିଲେ ।
ପରେ ସେମାନଙ୍କ ମଧ୍ୟରୁ ପାଞ୍ଚଜଣଙ୍କ ଅବସ୍ଥା ଗୁରୁତର ହୋଇଥିଲା । ସେମାନଙ୍କୁ ଭଦ୍ରକ ଜିଲ୍ଲା ମେଡିକାଲରେ ଭର୍ତ୍ତି କରାଯାଇଥିଲା । ପରେ ଗାଁକୁ ଏକ ଡାକ୍ତରୀ ଟିମ ପଠାଯାଇ ଅସୁସ୍ଥ ହୋଇଥିବା ଲୋକମାନଙ୍କର ଚିକିତ୍ସା କରାଯାଇଥିଲା । ଖାଦ୍ୟ ବିଶାକ୍ତ ହୋଇଥିବାରୁ ଏପରି ହୋଇଥିବା ଅନୁମାନ କରାଯାଇଛି । ତେବେ ଏ ନେଇ ସ୍ବାସ୍ଥ୍ୟ ବିଭାଗ ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
