ଭଦ୍ରକ: ମାଛ ତରକାରୀ ରାନ୍ଧିଲାନି ବୋଲି ସ୍ତ୍ରୀର ତଣ୍ଟି ଚିପି ହତ୍ଯା କଲା ସ୍ୱାମୀ । ଏଭଳି ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲା ପୀରହାଟ ଥାନା ଶ୍ୟାମସୁନ୍ଦରପୁର ପଞ୍ଚାୟତ ଈଶ୍ବରପୁର ଗାଁରେ । ମୃତ ମହିଳା ଜଣକ ହେଉଛନ୍ତି ଶଶଧର ମଳିକଙ୍କ ସ୍ତ୍ରୀ ସୀତାମଣି ମଳିକ । ତେବେ ସୀତାମଣିଙ୍କ ବାପ ଘର ଲୋକ ଏହି ଘଟଣାରେ ଥାନାରେ ଏକ ହତ୍ୟା ମାମଲା ରୁଜୁ କରିଥିଲେ । ଘଟଣା ସ୍ଥଳରେ ପୋଲିସ ପହଞ୍ଚି ଅଭିଯୁକ୍ତ ସ୍ବାମୀକୁ ଗିରଫ କରିଛି ପୋଲିସ ।
ଶଶଧର ମଳିକ ରାଜ୍ୟ ବାହାରେ କାମ କରେ । ଦିନକ ତଳେ ଘରକୁ ଆସି ବଜାରରୁ ମାଛ କିଣି ସ୍ତ୍ରୀକୁ ରୋଷେଇ କରିବାକୁ କହିଥିଲା । କୌଣସି କାରଣରୁ ସୀତାମଣି ମାଛ ରୋଷେଇ କରିନଥିଲେ । ଯାହାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ସେଥିରେ ସ୍ବାମୀ ଉତକ୍ଷିପ୍ତ ହୋଇ ସ୍ତ୍ରୀ ସୀତାମଣି ମୁହଁକୁ ଚାପୁଡା ମାରିବା ସହିତ ତଣ୍ଟି ଚିପି ହତ୍ଯା କରିଥିବା ସ୍ୱୀକାର କରିଛି ଶଶଧର ।
ଇଟିଭି ଭାରତ, ଭଦ୍ରକ
